Ikasle helduen ikas- estiloak eta ikas- estrategiak euskararen ...

52
2.2.7. Spolsky-ren eredua
Spolsky-rentzat H2ren ikaskuntza eragile askoren mende dago. Bere oinarrizko galdera
hauxe da: zer da hizkuntza bat jakitea? Eta, nola neurtu?. H2ren ikaskuntzaren helburua
H2ko hiztunaren mailara hurbiltzea beharko luke. Bere ustez, H2ren ikaskuntza oro beti
gizarte baten ingurunean suertatzen da (etxea, eskola, familia, kideak, komunitatea,
e.a.). Beretzat, testuingurune sozialak bi eragin mota ditu H2ren ikaskuntzan: lehenik,
jarrera linguistikoetan (gizakiarengan motibazioa eragingo duena) eta, bigarrenik,
ikasteko aukeretan (esate baterako, komunitateko irakaskuntza formal eta informaletan).
H2 ikasten ari denaren motibazioak elkarreragina du norbanakoaren ezaugarriekin:
aurreko jakinduria, adina, gaitasuna, ikas-estiloa, ikas-estrategiak eta nortasunaren
bestelako ezaugarriekin (antsietatea...). Berezi beharrekoak dira bakarkako ezaugarriak
(adibidez, antsietate maila) eta gaitasun unibertsalak.
Bakoitzaren berezitasun eta gaitasunak testuinguru sozialarekin elkartuz, interpretatu
dezakete ikasleak ikaskuntza formaleko (ikasgelako) eta informaleko (adibidez, laneko)
aukerez eta egiten duen erabilera. Aipaturiko aukeren erabilerek zerikusi handia dute
azken emaitzekin: hizkuntza gaitasuna, komunikazio-gaitasuna, autoestima, jarrera
aldaketa, kultur aniztasuna, e.a. Hona hemen eredu orokorra.
Motibazioa
2.4. irudia: Spolsky-ren eredua
Testuingurune soziala
Jarrerak
Ikasteko aukeren
ikaslearen erabilera
(formalak nahiz
informalak)
Ikaslearen emaitza
linguistikoa eta ezlinguistikoak
Norbanakoaren
ezaugarriak:
• Adina
• Nortasuna
• Gaitasunak
• Aurreko ezagutza