Ikasle helduen ikas- estiloak eta ikas- estrategiak euskararen ...

Ikaslearen berezitasunak: gizaki batek H2n lortzen duen gaitasuna ez dago soilik
eskolako metodologiaren eta egoeren baitan, baita ere ikasle bakoitzaren
berezitasunaren baitan (adina, hizkuntzetarako gaitasuna, estilo kognitiboa, motibazioa,
jarrera, nortasuna). Bere ustez, posiblea da H2ren eskurapenean zerikusia duten
eragileen zerrenda, hala nola, antsietatea, autoestima, autokontzeptua, klase barneko
lehiakortasuna, estilo kognitiboa, trebetasun sozialak, e.a. Hala ere, ez dago argi
bakoitzak duen indarra eta guztien arteko elkarreragina.
Ikaslearen prozesuak: ez da aski arrazoitzea H2ren eskurapena soilik input eta outputa
kontuan harturik. Garrantzitsua da argitzea ikasle bakoitzaren barne prozesuak,
irakasleak erabaki dezan kasu bakoitzean zer den input ulergarria eta egoera
lagungarriak. Tarone-k (1983) ikaslearengan hiru estrategia-mota daudela dio: ikasestrategiak
(ikasleak inputa nola prozesatzen duen kontziente eta inkontzienteki),
ekoizpen-estrategiak (H2 zuzen erabiltzeko ahaleginak) eta komunikazio-estrategiak
(H2ko hiztunekin komunikatzeko ahaleginak maila eskasa denean). Chomsky-rentzat
(1965), input eta outputaren artean hizkuntza-prozesu bat dago, LAD izeneko buru
mekanismoek gauzatua, eta prozesu horretan, ikasleak berez duen gramatikaren
printzipio unibertsalak eragin egiten dira.
H2ko outputa: Ellis-entzat gaitasun linguistikoak bi ezaugarri ditu:
• Ebolutiboa eta malgua
• Aldakorra egoeren araberakoa
Ikasgelako arriskua inputa ulertzea baina outputik ez ekoiztea da. Ikasleak H2 ikasgelaz
kanpo erabil dezakeenean, ahozko trebetasunak biziki indartu daitezke (Beadsmore eta
Swain, 1985; Housen eta, Beadsmore, 1987). Swain-entzat (1985, 1986) eskolaz
kanpoko ahozko harreman esanguratsuak izateak berebiziko garrantzia du H2ren
eskurapenean. Esanahia adierazten denean, gizaki batek hizkuntzaren egitura eta forma
ikasten du
51