Ikasle helduen ikas- estiloak eta ikas- estrategiak euskararen ...

2.1. Zer da ikaskuntza?
2.1.1. Ikasi aditzaren esanahia
2. AZTERKETA TEORIKOA
Hizkuntza baten ikaskuntzaz, ikas-estiloez eta ikas-estrategiez mintzatzeko,
ezinbestekoa zaigu argitzea edo, gutxienez, argibideak ematea ikasi aditza erabiltzean
zer esan nahi den. Itxuraz erraza eman arren, ez da hain kontu arina. Konplexutasunaren
adibide gisa, hona hemen zenbait definizio:
Thorndike-rentzat (1977), “ikaskuntza estimuluak eta emaitzen arteko konexioa besterik
ez da, organismoek jasotzen dituzten sentipenak eta hauek sortzen dituzten ekintzen
arteko elkarketa”.
Hilgard-entzat (1979), berriz, “ikaskuntza prozesu bat da sortu edo aldatzen dena egoera
bati erantzuteko, beti ere aldaketa horren arrazoiak beste batzuk ez direnean, hala nola,
heldutasuna, gorputzaren gorabeherak (nekea, drogak hartu izana...), e.a.”
Díaz Bordenave-k (1986) dioenez, “ikaskuntza gizakiaren gaitasun edo jarreraren
aldaera iraunkor samarra da, bere jardueraren ondorio izanik, eta leporatu ezin
zaizkionak hazkundeari, heldutasunari, gaixotasunei edo aldaketa genetikoei.”
Beltran-entzat (1990) “ikaskuntza jokabidearen aldaketa iraunkor samarra da,
praktikaren ondoriotik eratorria”.
Autore askok ikaskuntza, aldakuntza bezala kontsideratzen dute. Batzuentzat
jokabidearen aldaketa zehatza da (Kimre, 1971; Hilgard eta Boer, 1983; Gagné eta
Dick, 1983; Novak, 1990). Beste batzuentzat ekintzaren ahalmenen aldaketa (Torre,
1992).
Ikusten den moduan, ikaskuntzaren definizioak ez datoz bat beti. Alonso, Gallego eta
Honey-rentzat (1994) kontzeptuen nahasketa honen arrazoietako bat ikaskuntzaz hiru
ikuspegi nagusiren arteko bereizketa ez gauzatzeagatik izan liteke. Beraien ustez
ikaskuntza hiru eratara uler daiteke:
1. Produktu gisa, alegia, esperientziak nahiz praktikak eragindako ondorio gisa.
2. Prozesu gisa, non jokabidea aldatu, hobetu edo kontrolatu egiten den.
3. Funtzio gisa, subjektuak informazioarekin (material, aktibitate eta
esperientziak) duen elkarreraginak aldaketa sortzen baitu.
Davis-entzat (1983), ikaskuntzak jokaeran aldaketa iraunkorra eragiten du praktika edo
esperientziaren ondorioz.
33