Ikasle helduen ikas- estiloak eta ikas- estrategiak euskararen ...

4.3. Analisi estatistikoak
251
Hasiera batean, aldagai parte-hartzaileek mendeko aldagaietan duten eragina aztertuko
da, bai testaurrean zein testostean. Aldagai parte-hartzaile kualitatiboentzat bariantza
sinplearen analisia erabiliko da (bai bere aldaera parametrikoan nahiz ezparametrikoan),
eta kuantitatiboentzat korrelazio lineala.
Diseinu esperimentala ez denez, alegia, subjektuen banaketa taldeen artean aleatorizazio
osoz egin ez denez, lehen lau hipotesietarako kobariantza-analisia erabiliko da taldearen
eta aldagai parte-hartzaile kualitatiboekin faktore gisa, eta testaurrea eta aldagai partehartzaile
kuantitatiboak kobariable gisa, interakzioa posible guztiak kontuan hartuz.
Eraginak baleude, bai lehen mailakoak edo interakziozkoak, ez-esanguratsuak, berriro
efektu esanguratsuen izaeraren arabera bariantza- edo kobariantza-analisia burutuko
litzateke.
Bostgarren hipotesirako, ikas-estiloen lau estiloen testaurrea eta testostea alderatu behar
denez, bi lagin erlazionatuetarako teknikak erabiliko dira, hala nola, Wilcoxon froga, bi
lagin erlazionatuetarako T froga, eta neurketa errepikatuterako bariantza-analisia.
Seigarren eta zazpigarren hipotesietarako, aldagai anitzen konparaketarako Friedman
froga erabiliko da, Wilcoxon froga eta neurketa errepikatuetarako bariantza-analisia.
4.4. Emaitzak
4.4.1. Laginaren deskribapena testaurrean
4.4.1.1. Talde osoa
4.4.1.1.1. Aldagai parte-hartzaileen banaketa
Laginak ezaugarri hauek zituen:
Subjektuak, guztira, 122 izan ziren. Denak Donostialdean bizi
ziren, %89,3 Donostian eta %10,7 inguruan.
Jatorriz, gipuzkoarrak %81,1 ziren, Euskal Herriko gainerako
herrialdeetakoak %4,91, eta Euskal Herritik kanpokoak %13,99.
Bestalako datu esanguratsuak 4.3. taulan ageri dira.