Ikasle helduen ikas- estiloak eta ikas- estrategiak euskararen ...

244
• Bizilekua
Bi baldintza bete nahi ziren:
• Egoera soziolinguistiko berean bizi zen lagina izatea.
• Egoera soziolinguistikoa euskara erabiltzeko aukerak ematen
zituena izatea.
Bi baldintzok betetzeko, Donostialdea aukeratu zen. Euskararen
Jarraipenaren datuen arabera (Eusko Jaurlaritza, Nafarroako Gobernua,
Euskal Kultur Erakundea, 1999) euskaldunen kopurua %26,7 zela ikusi
zen eta euskararen kale-erabilera %14 (Euskal Kulturaren Biltzarra,
1998).
Euskararen ikaskuntza-ingurunearen aldagaiak
• Euskalduntze-maila:
7-10 bitarteko mailako ikasleak lortu nahi ziren hiru arrazoirengatik:
1. Aski maila altua zutelako esku-hartze plana euskaraz jasotzeko.
2. Aski maila altua zutelako euskara erabiltzeko klasez kanpo.
3. Soilik euskaldun berriak nahi zirelako eta maila altuagotara joez
gero, titulu baten premian zeuden euskaldun zaharrak topatzeko
arrisku handiagoa zegoelako.
Aldagai sozioestrukturalak
• Sexua
• Adina
Ikaslea gizonezkoa ala emakumezkoa den jakiteko item dikotomiko
baten bidez jaso zen.
Emaitzak adinaren arabera eraginduak ez izateko, komenigarria izan da
neurtzea. Ikasleen adina, urteka adierazita hartu da lan honetan aldagai.
• Ikasketa-maila
Bi multzo egin dira: ikasketa amaitutakoena eta amaitu gabekoena.
Bestalde, ikasketok bost arlotan bereizi dira: esperimentala, teknikoa,
osasuna, enpresa/juridiko eta humanitatea.
• Lan-egoera
Bi multzo egin ziren: lanean ari direnena eta ez dabiltzanena.