Ikasle helduen ikas- estiloak eta ikas- estrategiak euskararen ...

Euskara ikasteko autoestimaren intentsitatearen proba
241
Test honen helburua euskara ikasteko autoestimaren intentsitatea neurtzea da.
Galdera-sorta hau prestatzeko Horwitz-en FLCAS (Foreign Language
Classroom Anxiety Scale) tresna hartu da abiapuntu gisa.
Proba honek Likert motako 28 item zituen, bakoitza 5 aukeratakoa.
Proba pilotua hiru taldetan banatutako 33 ikasleri aplikatu zitzaien eta
ondorengo emaitzak lortu ziren:
• Bi item baztertu behar zirela homogeneitate indize batzuk zeroren hurbilean
zeudelako edo negatiboak zirelako. Beraz, 26 itemez osatuta geratu zen.
• Bi itemak baztertu ondoren, neurtzeko tresnaren fidagarritasun koefizientea,
ITEMAN (3.5 bertsioa) programaren bitartez Barne Kontsistentziako Alfa
Koefizientea (Cronbach-en Alfa) kalkulatuz lortu zen: 0,886
• Probaren baliotasuna lortzeko, irizpidezko bi aldagai erabili ziren:
o ikasleen motibazioen intentsitateei buruz ohiko irakasleek emandako
puntuazioa:
Irizpidezko itemarekiko korrelazioa: 0,625
o irizpidezko itema
Irakasleen puntuazioarekiko korrelazioa: 0,282
Adierazgarritasun-gradua: %1 bat.
Euskararen erabilera neurtzeko proba
Erabili den neurgailua Euskararen Erabilera Sozialari Buruzko Galdesorta izan
da (Gorostiaga eta Balluerka, 1995). Neurgailu hau autoinformean oinarritzen da
eta Likert motako itemak ditu. Neurgailu hau ikerketa honen berezitasunetarako
zertxobait egokitu egin da, funtsean berbera delarik. Galdera ireki batzuk erantsi
zaizkio, baita erabilera-indizea delakoa ere bai. Aipaturiko neurgailua
sortzaileek balidatu egiten zuten (Gorostiaga, Balluerka eta Isasik, 1996) eta
emaitzak honako hauek izan ziren:
• Neurgailuaren fidagarritasuna 0,97koa izan zen, Cronbach-en Alfa-ren bidez
lortua.
• Neurgailua balidatzeko hipotesi desberdinak frogatu ziren, guztietan emaitza
positiboak lortu zirelarik. (Gorostiaga, Balluerka eta Isasi, 1996).
Beraz, neurgailuaren fidagarritasuna eta baliotasuna bermaturik daude.
Neurgailu honek bi aldaera ditu:
A. Testaurrekoa.
B. Testostekoa (testaurrekoari galdera ireki batzuk erantsita)