Ikasle helduen ikas- estiloak eta ikas- estrategiak euskararen ...

240
4.2.2.3. Aldagai parte-hartzaileak
• Ingurune sozialaren aldagaiak
Jaioterria
Bizilekua
• Euskararen ikaskuntza-ingurunearen aldagaiak
Euskalduntze-maila
• Aldagai sozioestrukturalak
Sexua
Adina
Ikasketa-maila
Lan-egoera
• Hizkuntzen ikaskuntzan izandako esperientzia eta beharra
Titulazioa
Hizkuntzen ezagutza eta beharra, eta ikaskuntza-prozesuak
4.2.3. Erabilitako neurgailuak
Atal honetan aldagai desberdinak neurtzeko erabili diren neurtzeko tresnak
azalduko dira. Hauetariko zenbait, estandarizatuak diren testak dira eta beraien
deskribapena besterik ez da eskainiko. Besteetan, alegia, propio egokitutakoetan,
eraikuntza prozesua laburki azalduko da.
4.2.3.1. Mendeko aldagaiak
Euskara ikasteko motibazioaren intentsitaterako proba
Test honen helburua euskara ikasteko motibazioaren intentsitatea neurtzea da, ez
ordea motibazio mota. Gardner-en AMBT neurgailuan oinarritu gara. Froga
honek Likert motako 23 item zituen, bakoitza 5 aukeratakoa.
Froga pilotua hiru taldetan banatutako 33 ikasleri aplikatu zitzaien eta
ondorengo emaitzak lortu ziren:
• Bi item baztertu egin behar izan ziren homogeneitate indize batzuk zeroren
hurbilean zeudelako edo negatiboak zirelako. Beraz, 21 itemez osatuta geratu
zen.
• Bi itemak baztertu ondoren, neurtzeko tresnaren fidagarritasun koefizientea,
ITEMAN (3.5 bertsioa) programaren bitartez Barne Kontsistentziako Alfa
Koefizientea (Cronbach-en Alfa) kalkulatuz lortu zen: 0,873
• Probaren baliotasuna lortzeko, irizpidezko bi aldagai erabili ziren:
o ikasleen motibazioen intentsitateei buruz ohiko irakasleek emandako
puntuazioa:
Irizpidezko itemarekiko korrelazioa: 0,625
o irizpidezko itema
Irakasleen puntuazioarekiko korrelazioa: 0,670
Adierazgarritasun-gradua: %1