Ikasle helduen ikas- estiloak eta ikas- estrategiak euskararen ...

224
• Koldo bere lankide euskaldun zahar bat imitatzen ahalegintzen da.
Lankideak goizero hauxe esaten du ironiaz: “Zer dugu? Bizi al gara?”.
Koldok ere, lantokira joatean, imitatu egiten du, batik bat tonu bera
erabiliz.
Eskola aurretik: -
Eskolan zehar:
Irakasleak bi zerrenda osatuko ditu, batean esaldiak daude, bestean
sentimenduak. Hona zerrenda (nahi beste luzatu daiteke):
o Esaldiak
Leher eginda nago. A zer premia ohean sartzekoa!
Nahikoa da! Zaude lasai edo zoaz pikutara!
Hauxe da kuxidadea, hainbeste ikasi eta suspenditzeko.
o Sentimenduak
Nekatuta
Haserre
Triste
Esaldien orria zatitu egingo du (zati bakoitzean esaldi bana) baita
sentimenduena ere. Banatu egingo ditu zatiak eta ikasle bakoitzari esaldi bat
eta sentimendu bat tokatuko zaio (isilpean mantendu). Saiatu beharko du
antzezle ona izaten eta esaldia ozenki esango du dagokion sentimendua
adieraziz. Besteek asmatu beharko dute zein sentimendu tokatu zaion.
Hainbat aldiz egin daiteke jokoa, esaldiak eta sentimenduak trukatuz.
Azkenik, denen artean antzezle onena aukeratuko dute.
Aldaerak: -
Oharrak: -
Iturburua:
• Oxford, R. (1990a) Language Learnin Strategies. Boston: Heinle &
Heinle. Moldatzailea: I. Pikabea
Prag.10 Mintzagaia aukeratu (I)
Lantzeko Ikas-estiloa:pragmatikoa Ikas-estrategia mota: orekatzailea
Bestelako helburuak: mintzamena, manipulatzen trebatzea
Denbora: 30 min. Tokia: ikasgelan
Antolaketa: Bakarkako eta bikotekako lana
Materialak: -
Ikasleentzako azalpena
Jendearekin zaudenean, mintzagaia zuk aukeratu. Mintzagaia zuk
menderatzen duzuna behar du izan (hiztegi ezaguna, etab.). Zertarako?
Zailtasun gutxiago izateko mintzatzeko garaian.
Adibideak:
• Andoni-k eskola gustuko gaia du eta dezente menderatzen du. Ahal
duenean horretaz hitz egiten du, askotan hitz egin baitu eta eskolako
hiztegia ezagun du.