Ikasle helduen ikas- estiloak eta ikas- estrategiak euskararen ...

223
• Koldo bere lankide euskaldun zahar bat imitatzen ahalegintzen da.
Lankideak goizero hauxe esaten du ironiaz: “Zer dugu? Bizi al gara?”.
Koldok ere, lantokira joatean, imitatu egiten du, batik bat tonu bera
erabiliz.
Eskola aurretik: -
Eskolan zehar:
Aukeratu 3 hitz zuretzat ahoskatzen zailak. (adibidez: garrantzitsua,
morkotsa, ertzaintza...). Idatzi paper batean hitz horiek zure ortografiarekin,
alegia, zuk ulertzeko moduan, nahiz eta ortografia zuzena ez izan.
Inportanteena zuk hotsak ondo bereiztea da.
Ondoren, paperak trukatu ikaskideen artean eta tokatu zaizun paper berriko
hitz bakoitzarekin esaldi bana egin. Berriro trukatu, eta tokatutako papereko
esaldiak ozenki irakurri, irakasleak batik bat ahoskera eta intonazioa
zuzenduz.
Gero, bakoitzak berreskuratu egin behar du bere hasierako papera, errepikatu
bertan dauden esaldiak ozenki, irakasleak ahoskera eta intonazioa zuzenduz.
Hiru esaldi horiek buruz ondo ikasi behar ditu.
Azkenik, ikasle bakoitzak, bere eskuinekoak irakurritako esaldiak arbelean
idatziko ditu akatsik gabe edo zuzenketak egiteko. Hiru esaldiak kurtsoan
zehar irakasleak eskatuko dizkio errepikatzea nahi adina aldiz –otoitz bat
balitz bezalaxe- ahoskera zuzen mantentzen den frogatzeko.
Aldaerak: -
Oharrak: -
Iturburua:
• Oxford, R. (1990a) Language Learnin Strategies. Boston: Heinle &
Heinle. Moldatzailea: I. Pikabea
Prag.9 Tonua
Lantzeko Ikas-estiloa:pragmatikoa Ikas-estrategia mota:kognitiboa
Bestelako helburuak: tonua, ahoskera, keinuak
Denbora: 30 min. Tokia: ikasgelan
Antolaketa: Bakarkako eta talde-lana
Materialak: -
Ikasleentzako azalpena
Hots eta intonazioak praktikatu.
Adibideak:
• Garbiñek ondo bereizi nahi ditu ts eta tz. Horretarako, etzi eta etsi
idatzita ditu bere lantokiko paretan, paper batean. Bat gorriz, bestea
urdinez. Noizbehinka, begiratu eta bi esaldi errepikatzen ditu ondo
ahoskatuz eta intonatuz:
- Etzi festa izango da! (pozik)
- Nekatuta nago baina ez dut etsiko! (haserre)