Ikasle helduen ikas- estiloak eta ikas- estrategiak euskararen ...

222
Errepikatu behin eta berriz, euskaldun zahar batek esandako esaldia.
Adibideak:
• Miren-ek telebistako eguraldiaren saioa ikusten du, grabatu eta behin eta
berriz errepikatu egiten du (hitzak, intonazioa... landuz)
• Mikel-ek kantak buruz ikasten ditu, hitz berriak ulertu eta gogoratzeko.
Aldiro kantatu egiten ditu.
• Iñigo-k pilota-partiduetako lokutore frustratua da. Partidu bat ikustean
lokutoreari entzundako 4 esaldi idazten ditu eta errepikatu egiten ditu
hainbat aldiz buruz ikasi arte. Hurrengo egunean errepasatu egiten ditu.
• Iñigo-k telebistako iragarkiak buruz ikasten ditu eta bere buruari
errepikatzen dizkio.
Eskola aurretik: -
Eskolan zehar:
Datorren asteko eguraldia Donostiako auzoetan.
Teleberriko eguraldiaren saio bat bideoz grabatu. Ikusarazi. Ikasleek
eguraldi-gizon/emakume bihurtu behar dute, eta ikusitako saioa imitatzen
saiatu (tonua, esaerak, hiztegia, adjektiboak...). Horretarako, 20 minutu
izango dituzte. Bakoitzak, datorren astean Donostiako auzoetan nolako
eguraldia egingo duen azaldu beharko du egun bakoitzean (batek
astelehenean, beste batek asteartean...). Horretarako, norberak edukia
prestatu, buruz ikasarazi, planoa marraztu eta antzeztu egingo du. Bitartean
irakasleak Donostiako planoa marraztuko du arbelean mapa balitz bezala.
Aldaerak: -
Oharrak: -
Iturburua:
• I. Pikabea
Prag.8 Hiru hitz
Lantzeko Ikas-estiloa:pragmatikoa Ikas-estrategia mota: kognitiboa
Bestelako helburuak: entzumena, ahoskera
Denbora: 30 min. Tokia: ikasgelan
Antolaketa: Bakarkako eta talde-lana
Materialak: Papera eta boligrafoa
Ikasleentzako azalpena
Hots eta intonazioak praktikatu.
Adibideak:
• Garbiñek ondo bereizi nahi ditu ts eta tz. Horretarako, etzi eta etsi
idatzita ditu bere lantokiko paretan, paper batean. Bat gorriz, bestea
urdinez. Noizbehinka, begiratu eta bi esaldi errepikatzen ditu ondo
ahoskatuz eta intonatuz:
- Etzi festa izango da! (pozik)
- Nekatuta nago baina ez dut etsiko! (haserre)