Ikasle helduen ikas- estiloak eta ikas- estrategiak euskararen ...

218
Ikasleentzako azalpenak: -
Adibideak: -
Eskola aurretik:
Jardueran erabiliko diren gaiak erabaki. Gai kopuruak eta talde bakoitzeko
ikasle-kopuruak bera behar du izan.
Eskolan zehar:
1. Gaiak arbelean idatzi eta taldeak osatu. Taldeko ikasleak borobilean eser
arazi. Argibideak eman. Ikasle bakoitzak zuri dagoen orrialdearen
goialdean gai bana idatziko du, eta behean gai horren inguruan dakizkien
hitz guztiak idatziko ditu. Minutu bateko epea utziko zaie horretarako.
2. Ondoren, ikasle bakoitzak eskuin aldean duen kideari emango dio orria,
azken honek erants ditzan gaiaren inguruan dakizkien eta idatzi gabe
dauden hitzak. Honela arituko dira ikasle bakoitzak bere orrialdea
berreskuratu arte. Orduan, bakoitzak, minutu bateko epean, orria irakurri
eta erantsiko ditu dakizkien hitzak.
3. Bukatzeko, irakasleak aukeratuko ditu gai bakoitzaren inguruan hitz
gehien dituzten orrialdeak eta orri horiek dituzten ikasleei irakurraraziko
die ozenki.
Adibide gisa, hona hainbat gai: eskola, sukaldea, giza anatomia, baratza...
Aldaerak:
Esaldiak osatzen dituzten hitzak erabili beharrean, hitzak osatzen dituzten
hizkiak erabil ditzakegu.
Oharrak:
Jarduera hau hiztegia errepasatzeko oso lagungarria da, berriki ikasia nahiz
aspaldian bada ere. Gainera, ikasleentzat dibertigarria suertatzen da.
Iturburua:
• Garcia Arreza, M. (1995): Participar para aprender. Aljibe: Malaga.
Prag.3 Nola esan duzu?
Lantzeko Ikas-estiloa:pragmatikoa Ikas-estrategia mota: oroimenekoak
Bestelako helburuak: ahozko esamoldeen ezagutza. Ahoskera.
Denbora: 10 min. Tokia: ikasgelan
Antolaketa: Taldekako lana
Materialak: -
Ikasleentzako azalpena
Adibideak: -
Eskola aurretik:
Jarduera honetarako erabiliko diren esaldiak edo testua aukeratu eta idatzi.
Eskolan zehar:
1. Taldeak errenkan jarri eta argibideak eman. Talde bakoitzeko lehen
ikaslea irakaslearengana hurbilduko da. Irakasleak esaldi bat irakurriko
die eta ikasleak beren tokira itzuliko dira. Ondoren, ikasleak esaldia