Ikasle helduen ikas- estiloak eta ikas- estrategiak euskararen ...

211
eginez eta animatuz beren produktua erostera. Zu presaka ibiltzen zara eta ez
diezu kasurik egin nahi. Ez zaizu gustatzen zakarra izatea eta badakizu deitu
dizuna enpresako langile apala dela, hori behartuta egiten duela eta soldata
lotsagarriaren truke.
Pentsatu eta idatzi 4 lerroko paragrafo salbatzailea, egokia, erantzun gisa,
zu bakean uzteko eta, aldi berean, errespetua galdu gabe eta telefonoaren
aldamenean uzteko, behar duzunean erabiltzeko.
Aldaerak: -
Oharrak: -
Iturburua:
• Oxford, R. (1990a) Language Learnin Strategies. Boston: Heinle &
Heinle. Moldatzailea: I. Pikabea
Teo.9 Diktaketa txistuka
Lantzeko Ikas-estiloa: teorikoa Ikas-estrategia mota: kognitiboa
Bestelako helburuak:
• entzumena, irakurmena eta idazmena
Denbora: 15 min. Tokia: ikasgelan
Antolaketa: Bakarkako lana
Materialak: Ariketarako erabiliko den testuaren kopia bat.
Txilibitu bat.
Ikasleentzako azalpena: -
Adibideak: -
Eskola aurretik:
Eskolan irakurriko den testua hautatu, eta erabaki zein hitz ezabatuko diren.
Eskolan zehar:
1. Taldearen arreta bildu eta argibideak eman. Irakasleak testu bat diktatuko
die ikasleei eta era tradizionalean kopiarazi. Tarteka, irakasleak txilibituz
hots egingo du hutsune bat dagoela adierazteko. Txilibitu-hots bakoitzak
hitz bat ordezkatzen du. Ikasleen lana, testua kopiatzen jarraitu ahala,
txilibitu-hotsen atzean dauden hitzak asmatzea da.
2. Azkenik, ikasleek beren testuak alderatuko dituzte eta irakasleak
arbelean idatziko ditu ordezkatuta zeuden hitzak.
Aldaerak:
Txilibitua erabiltzeak hasieran barrea eragiten du ikasleen artean, baina
handik gutxira ikasleak beren jardunean biltzen dira. Garrantzitsua da ez
erabiltzea testu luzeegirik, ezta txilibituaren gehiegizko erabilera ere, bestela,
baliabide honek bere grazia galdu egingo luke eta aspergarri bilakatu.
Oharrak: -
Iturburua:
• Garcia Arreza, M. (1995): Participar para aprender. Aljibe: Malaga.