Ikasle helduen ikas- estiloak eta ikas- estrategiak euskararen ...

208
Eskola aurretik: -
Eskolan zehar:
• Ikasleei eskatu aukeratzeko beren bizitzako adin hauetako bat: 10 urte,
20 urte, 30 urte. Bat aukeratu ondoren, idatz dezatela orrialde bat
erdaraz, adin horretako oroitzetako datu zehatz ugarirekin (non bizi zen,
zer egiten zuen, bidaiaren bat, lanak, ikasketak, gertaera onak, txarrak,
oroitza kuriosoak..). 10 minutu idazteko.
• Bukatu ondoren, irakasleak orriak jaso eta trukatu egingo ditu bakoitzak
beste norbaitena irakurtzeko. 3 minutu.
• Ikasleekin bikoteak egin (A eta B). Bikote bakoitzak kide baten testuan
zentratu beharko du (adibidez A-renean). B kideak A-ri galdetuko dizkio
bere testuko datuak eta A-k erantzun (mintza saioa guztiz euskaraz). A-k
ezin dio daturik eman B-k galdera egin arte. Apunteak hartzea komeni
da. Ondoren alderantziz egingo da (A kideak B-ri galderak). 10 min.
• Bakoitzak, jaso dituen datuekin testu bat idatzi beharko du euskaraz. 10
min.
• Azkenik, bakoitzak bere euskal testua irakurri egingo du, irakasleak
zuzendu eta gainontzekoak asmatzen saiatuko dira ea nor den testu
horretako protagonista/kidea.
Aldaerak: -
Oharrak: -
Iturburua:
• Garcia Arreza, M. (1995): Participar para aprender. Aljibe: Malaga.
• Moldatzailea: I. Pikabea
Teo.6 Formulak
Lantzeko Ikas-estiloa: teorikoa Ikas-estrategia mota: kognitiboak
Bestelako helburuak: entzumena, idazmena
Denbora: 20 + 20 min. Tokia: ikasgelan eta ikasgelaz kanpo
Antolaketa: Bakarkako lana
Materialak: -
Ikasleentzako azalpena
Erne egon askotan erabiltzen diren esaldi edo formulekin (nahiz eta ondo ez
ulertu), buruz ikasi, ulertu eta, gero, erabili.
Adibideak:
Ramon-ek behin elkarrizketa hau entzun zuen:
Zer moduz zabiltza?
Tira, hor nonbait!
Ez zuen literalki ondo ulertu erantzuna (tira, hor nonbait) baina konturatu
zen gutxi gora behera esan nahi zuela ez oso ondo, ez oso gaizki. Harrezkero,
berak ere askotan erabiltzen du erantzun hori.