Ikasle helduen ikas- estiloak eta ikas- estrategiak euskararen ...

3.4.6.8.3. Ikas-estilo teorikoa lantzeko ariketak
Teo.1 Hitzak bereizi
Lantzeko Ikas-estiloa: teorikoa Ikas-estrategia mota: metakognitiboa
Bestelako helburuak:
• Irakurmena
Denbora: 10 min. Tokia: ikasgelan
Antolaketa: Bakarkako lana eta bikotekakoa
Materialak: Ikasle bakoitzeko, A eta B testuen kopia bana
Ikasleentzako azalpena
205
Adibideak:
Testu egokitua (A)
Egunerokobizitzannorbereburuazbaliatzekoeragozpenlarriakdituztenetab
eharbezalazaindurikezdaudenpertsonentzatetxezetxekozerbitzuintentsiboe
zarridaerabiltzailearenbeharreietaezaugarrieiegokitutakzerbitzuindibidu
alizatuandatza.
Testu originala (B)
Eguneroko bizitzan norbere buruaz baliatzeko eragozpen larriak dituzten
eta behar bezala zaindurik ez dauden pertsonentzat, Etxez Etxeko
Zerbitzu Intentsiboa ezarri da. Erabiltzailearen beharrei eta ezaugarriei
egokitutako zerbitzu indibidualizatuan datza.
Eskola aurretik:
1. Ikasgela eramango den testua aukeratu, taldearen mailarako zailtasun
egokia duela probatuz, eta egokituz. Horretarako, hitz arteko zuriune
guztiak ezabatuko dira, testua lerro bakar bateko paragrafo bihurtuz.
2. Testu egokituaren eta originalaren beharrezko kopiak egin.
Eskolan zehar:
1. Kopiak banatu eta argibideak eman. Ikasleak, bakarka, testuko hitzak
bereizi egingo dituzte, marra bertikalak tartekatuz hitz bakoitzaren
amaieran. 7-6 minutu emango dizkiegu.
2. Ondoren, ikasleei bakoitzak aldamenekoaren lanarekin alderatzeko
esango zaie, eta azkenik, testu originalaren kopia emango diegu
zuzentzeko.
Aldaerak: -
Oharrak: Testuak ikasleen mailarako egokia behar du izan.
Iturburua:
• Garcia Arreza, M. (1995): Participar para aprender. Aljibe: Malaga.
• Moldatzailea: I. Pikabea