Ikasle helduen ikas- estiloak eta ikas- estrategiak euskararen ...

193
2. Jardueraren bukaeran, ikasleei eskatuko zaie bikoteka konpara ditzatela
harrapatu dituzten akatsak. Azkenik, boluntarioak eskatuko ditu guztiei
azaltzeko zeintzuk izan diren desberdintasunak. Irakasleak adostasuna
edo desadostasuna azalduko du.
Aldaerak:
Beste aukera bat honako hau litzateke: ikasleek irakaslearen irakurketan
aldaerak harrapatu orduko, irakasleari ozenki adieraztea.
Oharrak:
Arretaz aukeratu behar da, bai testuaren luzera, bai aldaketen
konplexutasuna, ikasle-taldearen mailara egokituta izan behar dute eta.
Iturburua:
• Garcia Arreza, M. (1995): Participar para aprender. Aljibe: Malaga.
Err.4 Demostratu
Lantzeko Ikas-estiloa: erreflexiboa Ikas-estrategia mota: orekatzailea
Bestelako helburuak:
• mintzamena landu
Denbora: 15 min. Tokia: ikasgelan
Antolaketa: Talde handiko lana
Materialak: Baieztapenen kopiak
Ikasleentzako azalpena : -
Adibideak: -
Adibide gisa, hona hemen zenbait baieztapen:
• Gehienez, klaseko 3 beste kontinente batean egon dira
• Joan den hilean klaseko norbaiten urtebetetzea izan zen
• Lehengo astean bik opari bana jaso zuten
• Klaseko 4 kide, gutxienez, Paris-en izan dira
• Klasean bada norbait sevillanak dantzatzen dakiena
• Klasean hiruk ez dute gidabaimenik
• Klaseko bik motorra daukate
• Klaseko 3 Gipuzkoatik kanpo jaio dira
• Klaseko biri tripakiak asko gustatzen zaizkie
• Klaseko 4 gaueko 1200ak baino beranduago oheratzen dira gauero
Eskola aurretik: -
Jardueran erabiliko diren baieztapenak erabaki eta originala prestatu
fotokopiatzeko. Ikasleen gustuko gaiak aukeratzen saiatuko gara.
Eskolan zehar: -
1. Ikasle bakoitzak baieztapenen kopia bana jasoko du, arretaz irakurriko
duena. Ulermen aldetik arazorik balego, zalantzak argitu egin beharko
dira. Ikasleek beren kideekin edo irakaslearekin kontsultatu ahal izango