Ikasle helduen ikas- estiloak eta ikas- estrategiak euskararen ...

Ak.18 Animatu arriskatzera
Lantzeko Ikas-estiloa: aktiboa Ikas-estrategia mota: afektuak
Bestelako helburuak: lotsa galtzea
Denbora: 30 min. Tokia: ikasgelaz kanpo
Antolaketa: -
Materialak: -
187
Ikasleentzako azalpena
Zure burua bultzatu elkarrizketetan parte hartzera, nahiz eta akatsak egin.
Hanka sartzeen artean, gauza batzuk ere oso ondo esango dituzu.
Arriskatzean, aukeratu non, noiz eta norekin.
Adibideak:
• Jon ikasleak astelehenero bere lankide bati asteburuan egindakoa
kontatzen dio. Ez badu ondo ulertzen lankideak, ez da ezer gertatzen.
Hurrengo urtean, bileretan euskaraz hitz egiteko asmoa du, aurrez ondo
pentsatuz zer esan nahiko duen.
• Marta-k telefonoz beti euskaraz egiten du lehen esaldia. Ez badu edo ez
badiote ulertzen, erdarara pasatzen da baina beti ez da beharrezkoa.
Eskola aurretik: -
Eskolan zehar:
1. Gaur zure buruari helburu bat jarriko diozu: klasetik irten eta gero orain
arte euskaraz egin ez duzun zerbait egingo duzu (dendari euskaldunari
esaldi bat euskaraz esan, seme-alabari euskaraz kontatu gaur egin
duzuna, banketxean euskaraz izan elkarrizketa, kutxa-txartelaren
erabilera euskarara pasatu, euskal egunkaria erosi artikulu bat
irakurri...). Idatzi helburu berria:
2. Saiatu helburua betetzen.
3. Hurrengo klasean kontatu zer gertatu den.
Aldaerak:
1. Zure inguruan seguru badela norbait euskaraz dakiena eta orain arte
berarekin beti erdaraz egin duzu. Aukeratu zein, noiz, non eta zertaz
hitz egingo duzun eta, aste beteko epean, berarekin elkarrizketatxo
bat euskaraz egiten ausartuko zara.