Ikasle helduen ikas- estiloak eta ikas- estrategiak euskararen ...

180
Ak.8 Nor naiz ni?
Lantzeko Ikas-estiloa: aktiboa Ikas-estrategia mota: orekatzailea
Bestelako helburuak:
1. BAI/EZ erako erantzunak eragiten dituzten galderen osaketa
2. Entzumena landu. Adjektiboen errepasoa.
Denbora: 20 min. Tokia: ikasgelan
Antolaketa: Bikotekako lana
Materialak Ikasle bakoitzeko paperezko txartel bat.
“Blu-tack” (itsasgarriak)
Ikasleentzako azalpena: -
Adibideak: -
Eskola aurretik: -
• Paperezko txartelak prestatu. A-4 neurriko paper batetik 8 txartel lor
daitezke.
• Txartel bakoitzean izen ospetsu bat idatzi (mundu mailakoa, herrikoa,
auzokoa, eskolakoa...)
• Itsasgarriak prestatu.
Eskolan zehar:
• Ikasleak banaka hurbilduko dira irakaslearen mahaira eta honek,
bizkarrean, txartel bana itsatsiko die. Norberak ez du jakin behar bere
bizkarrean dagoen pertsona ospetsuaren izena (beste ikasleek isilik egon
behar dute).
• Ikasle guztiek txartel/izen bana dutela bizkarrean, ikasgelan zehar
minutu pare batez ibilaraziko zaie, elkarren artean nahasteko.
• “Geldik!” oihukatu eta ikasleak aldamenean duenarekin bikotea osatuko
du.
• Bikoteak osatutakoan, elkarri galderak egingo dizkiote, erantzunak beti
BAI/EZ izan behar dutelarik. Esate baterako: “Aktorea al naiz? Bizirik
al nago?”.
• Jasotako informazioarekin ez badu asmatu nor den, beste ikaskide
batengana jo beharko du galdera gehiago egitera.
Aldaerak:
1. Adibide gisa, irakasleak ikasle bati bere bizkarrean txartel bat jartzeko
eskatuko dio, eta ikasle horri hainbat galdera egingo dizkio asmatu arte
nor den.
2. Ikasleren batek azkar lortzen badute jakitea norbera zein den, irakasleak
bizkarreko txartela kendu eta beste berri bat jarriko dio.