Ikasle helduen ikas- estiloak eta ikas- estrategiak euskararen ...

177
Mahai baten inguruan eseriko dira ikasleak, 10 fitxa bakoitzaren eskuan;
gainerakoak mahai gainean geratuko dira ahozpez pilatuta. Jokoan hasi
aurretik, talde bakoitzeko jolaskideek dagozkien fitxak aterako dituzte beren
piletatik. Eskuan geratzen zaizkienekin hasiko dira jolasten, eta txandaka
galdetuz, bete behar dituzten ekintzetarako (?) besteengandik erantzuna (V)
jaso behar dute, beren aldean dituzten betebehar guztientzako “mesedeak”
lortu arte. Galdetu dioten jolaskideak erantzuteko txartelik ez badu, ezezko
esaldi osoa bota behar du. “Ez” esateak ez du balio.
Eskaera batek (?) erantzuna (V) lortzen duenean, bi jolaskideek baztertu
egingo dituzte fitxa hauek.
Galdetutako jolaskide batek erantzuteko txartelik ez badu, mesedea eskatu
dionak beste fitxa bat hartu behar du mahai gainean dagoen pilatik.
Irabazlea, txartelik gabe lehenbizi geratzen dena izango da.
Aldaerak: -
Oharrak: -
Iturburua:
• Hadfield, J. (1992). Mintzapraktikarako jokoak. Usurbil: Elhuyar.
Ak.5 Eskatu zuzentzea
Lantzeko Ikas-estiloa: aktiboa Ikas-estrategia mota: gizartea
Bestelako helburuak:
Denbora: 20 min. Tokia: ikasgelan
Antolaketa: Bikotekako lana
Materialak: -
Ikasleentzako azalpena:
Hizketan ari zarenean, oso lagungarria da konfidantzazko norbaiti eskatzea
zure akatsak zuzentzeko. Idaztean ere, gauza bera egin dezakezu.
Zuzentzailea zuk aukeratu, baita zuzentzeko modua ere (akatsa egin orduko,
hizketaldia bukatu eta gero...).
Adibideak:
• Elena lankideekin euskaraz ari denean kafe garaian, Ana-ri (bere bulego
kideari) eskatzen dio erne egoteko ondorenean entzun dizkion akatsak
esateko bere bulegoan. Joxe Ramon-ek azkar ikasi nahi du eta bere
irakasleak ez dio beti zuzentzen. Eskatu dio mesedez zuzentzea akats
guztiak, nahiz eta nekosoa izan.
Eskola aurretik: -
Eskolan zehar:
Bakoitzak bere izena paper batean jarri eta banatu ikaskideen artean. Tokatu
zaigun pertsona gure zuzentzailea izango da. Berari kontatuko diogu noiz
ailegatu garen berandu azkeneko aldiz zita batera, baina lehenik eskatuko
diogu argi eta garbi akats guztiak zuzentzeko bat-batean. Zuk, zure
mintzaldian apropos 3 akats esango dituzu. Mintzaldian zuzenketak egingo
ditu zuzentzaileak. Bukatutakoan, zuzentzaileari galdetuko diogu zeintzuk