Ikasle helduen ikas- estiloak eta ikas- estrategiak euskararen ...

Aldaerak:
171
Ibiltzen hasi aurretik, egokia da ikasleei eskatzea tokatu zaizkien argazkierdien
ondorengo deskribapenak prestatzeko, hartara, izango dituzten
hizkuntz premiei erantzuteko tartea legoke.
Oharrak:
Iturburua:
• Garcia Arreza, M. (1995): Participar para aprender. Aljibe: Malaga.
Ak.2 Marrazkia diktatu
Lantzeko Ikas-estiloa: aktiboa Ikas-estrategia mota: metakognitiboa
Bestelako helburuak:
• Entzumena. Mintzamena.
Denbora: 30 min. Tokia: ikasgelan
Antolaketa: Bakarkako eta bikotekako lana
Materialak Marrazki bat adibiderako eta beste bi ikasleei emateko.
Hiru marrazkietatik, ikasgelan sor daitezkeen bikote adina
kopia izan behar dira.
Ikasleentzako azalpena: -
Adibideak: -
Eskola aurretik:
• Jarduerarako erabiliko diren hiru marrazkiak aukeratu. Ez da komeni
zailegiak izatea.
• Beharrezko kopiak egin.
Eskolan zehar:
1. Adibide gisa, irakasleak marrazki bat deskribatuko du eta ikasleak
bakarka marrazten saiatuko dira. Hiru aldiz deskribatuko da. Lehen aldia,
ikasleek marrazkiaren zailtasunaz jabetzeko egingo da eta arin samar.
Bigarren aldian, ikasleak marrazten saiatuko dira eta deskribapena
mantsoago egingo da. Hirugarren aldia lehenaren antzekoa izango da,
azkar samar, ikasleek bere marrazkiak hobetzeko. Azkenik,
deskribatutako marrazkiaren kopia banatuko zaie ikasleei (birentzat bat).
2. Bizpahiru minutu igarotakoan, ikasleak binaka jarri eta bakoitzari
marrazki desberdin bat emango zaie. Hurrengo 15 minutuetan, ikasleek
elkarri marrazkia deskribatuko diote eta marrazten ahaleginduko dira.
Aldaerak: -
Oharrak:
Hobe da aukeratutako marrazkiak txuri-beltzean izatea, kopien kalitatea
hobea baita.
Iturburua:
• Garcia Arreza, M. (1995): Participar para aprender. Aljibe: Malaga.