Ikasle helduen ikas- estiloak eta ikas- estrategiak euskararen ...

e) Metodologia gardenagoa erabili
143
Aurreneko 8 saio horietan, ikasleari ikusarazi zitzaion metodoak tresnak besterik
ez direla, helburuak lortzeko laguntzak. Bestalde, metodo bakoitzak atzean zuen
ikuspegia azaldu eta berorien bilakaera zehaztu nahi izan zen. Azpimarratu nahi
zen H2 ikastearen arrakasta ez dagoela bereziki metodoan, norberaren baitan
baizik. Metodologiaren garrantzia desmitifikatu nahi izan da.
Bestalde, matrikulaturik dauden euskaltegian zer-nolako metodoa erabiltzen den
argitu zitzaien, koka zezaten zein ikuspegitan oinarritzen diren eguneko jarduera
eta ariketak.
f) H2 ikasteko metodologia-ikastaroak eman.
Lehen 7 saioetan behin eta berriz azpimarratu zen H2 ikasten ikasi egiten dela,
jaiotzez ez dakigula hori nola egin behar den. Horregatik, ikasleak aurrez
eskarmenturik ez badu, oso lagungarri suertatzen zaio hainbat orientabide eta
aholku ematea bere ahaleginei ahalik eta etekin handiena ateratzeko. Kasu
honetan, aztertutako laginaren gehiengoak ez zuen inoiz horrelako
prestakuntzarik jaso, eta esku-hartze pedagogiko hau, besteak beste,
metodologia-ikastaroa izan da hein handi batean, bai zuzenean bai zeharka.