Atxikimendu insegurua eta genero rolak pertsonarteko ... - Euskara

1. kapitulua. Mendekotasuna 45
sortzen dela eta norbere hautematea den bera ez dela gai ondo moldatzeko besteen
laguntzarik gabe.
Bere diagnosirako gidatzen duten zortzi irizpideak terapiako testuinguruan
kontutan hartu beharrekoak dira, bost eskatzen direla gutxienez diagnosi positiboa
emango bada. Hurrengo hauek dira:
(1) Subjektua ez da gai eguneroko erabakiak hartzeko besteei aholku eta
gomendio ugari (gehiegi) eskatu gabe.
(2) Bere bizitzako alor nagusietan besteek ardura hartzearen beharra.
(3) Onespenaren edo laguntzaren galeraren beldurrez besteekiko
desakordioa adierazteko zailtasunak ditu.
(4) Proiektuak hasteko edo norbere ekimenez gauzak egiteko zailtasunak
ditu (bere judizioan edo gaitasunetan duen konfiantza ezagatik, energia edo
motibazio faltagatik baino).
(5) Urrunegi joaten da besteengandik babesa eta laguntza lortzearen
desirak bultzatua, eginbehar desatseginak egiteko boluntario aurkezteko
punturaino.
(6) Deseroso edo galduta egon ohi da bere buruaz arduratzeko gai ez
izatearen gehiegizko beldurrengatik.
(7) Garrantzizko harremana bukatzean, presaka bilatzen du behar dituen
zaintza eta laguntza emango dien beste harreman bat.
(8) Modu ez errealistan kezkaturik egoten da abandonatua izatearen eta
bere buruaz zaindu behar izatearen beldurrez.