Atxikimendu insegurua eta genero rolak pertsonarteko ... - Euskara

44 Atxikimendua, genero rolak, eta mendekotasuna
okerra egitera ez eramateko. Honela espezialistak ebaluatzerakoan atalasea aldatuko du
honen arabera.
DSM-IVrekin konparatuz, DSM-III-Rko azkeneko irizpidea ("kritikek edo
gaitzespenek erraz mintzen dute", APA, 1987, 42. orr.) ezabatzen bada ere, DSM-IVko
hirugarrenak inplikatzen duela esan daiteke ("besteekiko desadostasuna adierazteko
zailtasuna laguntzaren edo onarpena galtzearen beldur baita"). Funtsean, aldaketarik
nabarmenena DSM-IIItik DSM-III-Rra egiten da, non zehaztapena areagotzen den.
DSM-IIIaren detekziorako irizpideak ondokoak dira: Norbere bizitzako arlo
garrantzitsuenetan besteei uztea erantzukizunak hartzen, norberaren beharrak besteen
azpitik jartzea, besteen mende dagoela bere buruaz arduratu behar ez izateko.
DSM-IVren azkeneko bertsioaren zortzi irizpiderekin, lehen esan bezala,
definizio eta zehaztapen maila egokira iritsi zen, nortasunaren beste nahasteekiko
teilakadura gutxitzean.
1.5. MENDEKOTASUNAREN DEFINIZIO BATERANTZ
Lehen esan dugun bezala, mendekotasunaren formulazioa objektu-harremanen
teoria psikoanalitikoa, gizarte ikaskuntza, eta atxikimenduaren teoria izan ditu sorburu.
Gaur egun gorputz eta zehaztapen nahikoa duen Mendekotasunagatiko Nortasunaren
Nahastearekin (APA, 1994) identifikatu dezakegu. Nahastea honela deskribatzen da:
“… besteek norberaren kargu egiteko gehiegizko behar orokortua, jokabide
mendeko eta itsaskorrak eta banantzearen beldurra sortzen dituena …” (665 orr.) non
halaber aipatzen den testuinguru desberdinetan aurkezten dela, helduaroaren hasieran