Atxikimendu insegurua eta genero rolak pertsonarteko ... - Euskara

42 Atxikimendua, genero rolak, eta mendekotasuna
Hiru hauetatik sortu da DSMean agertzen den mendekotasunagatiko nahastea,
mendekotasun ez-normalaz ari dela.
1.1.4.1.1. DPDaren bilakaera DSMean
DPDren irizpideak asko aldatu direnez azkeneko mende erdi honetan, bilakaerari
errepasoa ematea komeni da.
Gehiegizko mendekotasun beharren inplikazio klinikoak Kraeplinek (1913),
Schneiderrek (1923), Abrahamek (1927) eta Fenichelek (1945), besteak beste,
komentatu zituzten. Hala ere, Bornsteinek (1993) seinalatzen du DSM-Iean (APA,
1952) mendekotasuneko nortasunak oso atentzio gutxi jaso zuela, pasibo-agresiboko
nortasunaren azpimotatzat hartua, "pasibo-mendekotasun mota", izan baitzen.
Nahasteak hasierako kontzeptualizazio psikodinamikoen antza handia zuen (Bornstein,
1997) eta babesgabetasuna, ezbaia eta ukapen jokabideak dira bere ezaugarriak
(Hirschfeld et al., 1991).
Bornsteinek (1993, 1997) azpimarratzen du DSM-IIan (APA, 1968) nahasteak
jaso zuen arreta txikia, dena batzen zuen "mota espezifikoko beste nortasunaren
nahasteak" kategoriaren barnean sartu baitzen. Pasibo-mendeko nortasunaren inolako
deskribapenik ezta etiologiaren inguruko hipotesirik ere ez zen eskaintzen. Horrez gain,
ez zegoen sintomen deskribapen zehatzik ezta bere etiologiarako hipotesirik (Bornstein,
1993; 1997; Hirschfeld et al., 1991).
DSM-IIIan (APA, 1980a) pixka bat zehatzago deskribatu zen, eta hiru sintoma
zabalen arabera definituta zegoen: (a) pasibotasuna pertsonarteko harremanetan eta