Atxikimendu insegurua eta genero rolak pertsonarteko ... - Euskara

208 Atxikimendua, genero rolak, eta mendekotasuna
koadranteetako espazioan, atxikimendu-eredu bakoitzak lauki bat osatu beharko luke.
Adibidez, eredu errefusatzailea negatiboki koerlazionatuta egon beharko litzateke
herstura dimentsioarekin, eta positiboki koerlazionatuta ekidipena dimentsioarekin. Izan
ere, erregresioaren analisian ikusi zen atxikimendu-eredu errefusatzailearen puntuazioak
bi dimentsioen konbinaketatik aurresan zitezkeela [R 2 = 0,17; F(2, 599) = 59,87; p <
0,001], eta elementu biren beta koefizienteak nahikoa altuak izan ziren (ekidipenerako β
= 0,31, eta hersturarako β = -0,26, biak p < 0,001) eta espero zen norabidean. Eredu
seguru eta beldurtien emaitzak ere Bartholomewen ereduarekin bat etorri ziren, test
guztiak estatistikoki esanguratsuak izan zirela. Soilik atxikimendu kezkatiaren kasuan
ereduarekiko diferentzia bat jazo zen: Hersturarako beta koefizientea positiboa eta oso
esanguratsua izan zen arren (β = 0,40; p < 0,001), ekidipenerako beta koefizientea (-
0,04) negatiboa izan zen, espero bezala, baina oso txikia eta ez esanguratsuki. Hala eta
guztiz ere, aurreikusitako zortzi koefizienteetatik zazpi azaldu ziren espero zen bezala.
Beraz, oro har emaitza hauek Bartholomewen eredua konfirmatu zuten.
Azkena zen laugarren hipotesian planteatzen zen mendekotasun mota
bakoitza atxikimenduaren eta genero rolaren konbinaketa diferentzial batetik
erator zitekeela. Hau ikusteko, lerro erregresioaren analisiak burutu ziren
mendekotasun emozionalerako eta mendekotasun instrumentalerako.
Mendekotasun emozionalaren erregresio analisiak, non atxikimenduaren
dimentsioak eta genero rolak sartu ziren lerroan, honako ekuazioa sortu zuen: R 2 =
0,44; F(4, 593) = 114,61; p < 0,001. Hersturarako (0,59; p < 0,001) eta
femeninotasunerako (0,17; p < 0,001) beta koefizienteak estatistikoki esanguratsuak