Atxikimendu insegurua eta genero rolak pertsonarteko ... - Euskara

206 Atxikimendua, genero rolak, eta mendekotasuna
antzekoak izan ziren ikasketa-maila eta bikote-egoera aldagaiak partzializatuta zein
partzializatu gabe.
Bestetik, Hipotesi 3a eta Hipotesi 3b-ren emaitza hauek bigarren ikerketan
lorturiko datuekin konfirmatu eta osatu ziren. Pearsonen korrelazioak kalkulatzean
berriro lortu ziren hipotesian marrazturiko loturak. Mendekotasun emozionalaren eta
hersturaren arteko korrelazio oso altua ikusi zen (r = 0,67; p < 0,001). Era berean,
lehenengo ikerketan eta guk espero genuen bezala, mendekotasun instrumentala
hersturarekin (r = 0,40; p < 0,001) eta ekidipenarekin (r = 0,25; p < 0,001) zegoen
erlazionaturik. Gauzak horrela, hipotesiak konfirmatu ziren, eta lehenengo ikerketaren
emaitzak beste lagin mota batekin osatu ziren.
Bigarren ikerketa honetan mendekotasun emozionalaren eta instrumentalaren
atxikimendu-ereduekiko loturak ere aztertu ziren. Emaitzak Taula 10ean erakusten dira.
Mendekotasun emozionalak atxikimendu-eredu kezkatiarekin agertu zuen bere loturarik
handiena (r = 0,40; p < 0,001), baina eredu beldurtiarekin (r = 0,22; p < 0,001) ere
lotura agertzen zen, eta negatiboki koerlazionatuta eredu erefusatzailearekin (r = -,22; p
< 0,001) eta eredu seguruarekin (r = -0,14; p < 0,001). Korrelazio positiborik handiena
atxikimendu-eredu kezkatiarekin zenez eta korrelazio negatibo handiena atxikimendu-
eredu errefusatzailearekin zenez, emaitza hauetan islatzen da mendekotasun emozionala
nahikoa loturik azaltzen dela Bartholomewen tipologiaren ekiditzailetik-kezkatira doan
diagonalarekin.