Atxikimendu insegurua eta genero rolak pertsonarteko ... - Euskara

200 Atxikimendua, genero rolak, eta mendekotasuna
Aurreko ikerketetan (Lenneyk, 1991, laburtua) generoko desberdintasun argiak
ikusi dira maskulinotasun eta femeninotasun psikologikoan. Gure ikerketan,
desberdintasun hauek ere azaldu ziren. Emakumezkoek (M = 5,06, SD = 0,57)
gizonezkoek (M = 4,68, SD = 0,58) baino puntuazio altuagoa lortu zuten
femeninotasunean [t(600) = 7,98; p < 0,001]. Eta alderantziz, gizonezkoek (M = 4,68;
SD = 0,71) emakumezkoek (M = 4,05; SD = 0,66) baino puntuazio altuagoa lortu zuten
maskulinotasunean [t(600) = 11,18; p < 0,001].
Maskulinotasunak eta femeninotasunak, dimentsio ortogonal gisa definituak
izan direnak (Bem, 1974; Spence eta Helmreich, 1978), korrelazio negatibo txiki bat
azaldu zuten euren artean (r = -0,16; p < 0,05), baina korrelazio hau ez zen hain handia
izan dimentsio independente direlako tesia errefusatzeko.
2.4.5. HIPOTESIEN KONTRASTEA
Aurkikuntzak batzeko asmoarekin, planteaturiko hipotesien kontrastearen berri
emango da bi ikerketen emaitzak batera deskribatuz.
Lehenengo hipotesian mendekotasunean generoko desberdintasun txikiak
egongo zirela planteatzen zen. T-testak burutu ziren hau konprobatzeko, eta lehenengo
ikerketan ez zen desberdintasun estatistikoki esanguratsurik aurkitu. Emakumezkoak
(M=28,24; SD = 5,24) gizonezkoak (M = 27,14; SD = 5,56) baino batez besteko
altuagoak zituzten mendekotasun instrumentalerako [t(251) = 1,62; ns]. Mendekotasun
emozionalaren kasuan desberdintasun handiagoa izan zen (t(259) = 1,54, ns), non
emakumezkoen batez bestekoak (M = 41,22; SD = 7,95) gizonezkoenak (M = 39,68;