Atxikimendu insegurua eta genero rolak pertsonarteko ... - Euskara

Atal enpirikoa: Emaitzak 195
atxikimenduarekin ere (r = 0,08; ns). ANOVA batzuk burutu ziren aldagai demografiko
kategorikoak mendekotasunarekin eta atxikimenduarekin erlazionaturik zeudenentz
ikusteko. Aldagai kategorikoak honako hauek ziren: lan-egoera (langabezian, ikasleak,
etxekoandrea edo etxekogizona, norberarentzat lanean, eta beste bat(zu)entzat lanean),
ikasketa-maila (batere ez edo lehen mailakoak, maila ertaineko ikasketak, eta goi-
mailako ikasketak), eta bikote-egoera (ezkongabea bikotekiderik gabe, ezkongabea
bikotekidearekin, ezkondua edo elkarbizitzen, banandua edo dibortziatua, eta alarguna).
Ez zen lan-egoeraren efekturik antzeman mendekotasun edota atxikimenduzko
aldagaietan. Ikasketa-maila ez zegoen erlazionaturik ekidipenarekin [F(2, 384) = 2,10;
ns], baina erlazionaturik azaldu zen mendekotasun instrumentalarekin [F(2, 246) =
10,67; p < 0,001], mendekotasun emozionalarekin [F(2, 254) = 8,16; p < 0,001], eta
hersturarekin (F(2, 258) = 9,18; p < 0,001]. F testen batez bestekoak, eta batez
bestekoen konparaketarako Scheffé post-hoc testen emaitzak Taula 7an erakusten dira.
Orokorrean, zenbat eta ikasketa-maila baxuagoa izan, orduan eta mendekotasun
instrumental zein emozional eta atxikimendu antsiatsu altuagoa agertzen zituen
partehartzaileak. Bikote-egoerari dagokionez, soilik ekidipeneko atxikimendurako
ANOVA izan zen estatistikoki esanguratsua [F(4, 258) = 5,22; p < 0,001]. Scheffé post-
hoc testen arabera, desberdintasuna “ezkongabea bikotekiderik gabe” (M = 2,90; SD =
0,83) eta “ezkongabea bikotekidearekin” (M = 2,42; SD = 0,73) kategorien artean
zegoen, esangura estatistikoan oinarriturik. Bikotekiderik gabeko partehartzaile ez
ezkonduak bikotekidea zuten beste horiek baino ekiditzaileagoak ziren harremanetan.