Atxikimendu insegurua eta genero rolak pertsonarteko ... - Euskara

Atal enpirikoa: Emaitzak 193
partehartzaile batzuek atxikimendu-eredu seguruari zegokion lerrokadaren esaldiak
kontrajartzen zirela esan zioten administratzaileari. “Me siento bien dependiendo de los
demás” (“gustura nago besteen menpe egonez”) esaldia kutsu negatiboa du ingelesetik
honela itzultzen denean.
Arazo berdina detektatu zuten Moreira eta laguntzaileek (1998) portugalerara
itzultzean, eta Romero Escobarrek (1999) Kolonbiako laginean erabiltzeko gaztelerara
egokitzean. Aipatu autoreek bezala, geuk ere “me siento cómodo [..] en las situaciones
en que tengo que confiar en los demas” (“ondo sentitzen naiz besteenganako konfiantza
izanik”) idaztea erabaki genuen. Beraz, ingeleseko “depending on” beste honengatik:
“trusting on”, ordezkatu zen azkeneko bertsiorako. Antzeko efektua gertatzen zen
atxikimendu-eredu kezkatian. Hasiera batean jarria genuen: “Me preocupo por las
relaciones” modu desberdinean ulertu zitekeen, geroko proban partehartzaileek esan
zuten bezala: “interesa dut nire harremanetan” edo “nire harremanek kezkaturik
naukate”. Beraz, birformulatu genuen partehartzaileek bigarren ideia besterik ez
ulertzeko (“...me altera que los demás no me valoren tanto como yo les valoro a ellos”).
Edukiaren baliotasuna bermaturik ez dagoenez atxikimendu-eredua neurtzeko
erabilitako tresnarekin, ez genituen datu hauek erabili lehenengo ikerketaren
interpretaziorako.
Lehen esan bezala, bigarren ikerketan lerrokaden bertsio berrituekin lorturiko
ehunekoak ingelesezko bertsioarekin lorturiko emaitzen parekoak izan ziren. Honela,
esan daiteke bigarren ikerketan erabilitako atxikimenduaren neurketarako egokitzapen
hau baliozkoa dela.