Atxikimendu insegurua eta genero rolak pertsonarteko ... - Euskara

Atal enpirikoa: Emaitzak 187
Honen ostean, azpieskala bakoitzaren behin betiko forman sartzearen
egokitasuna ikusteko, itemen analisiari ekin zitzaion. Ondorengo baldintza guztiak betez
gero, eskala batetik itema baztertzeko erabakia hartuko zela aurrez finkatu zen:
1. Itemaren homogeneotasun indizea 0,30 edo txikiagoa zen (HI ≤ 0,30).
2. Itemaren pisua faktorean 0,30 edo txikiagoa zen (Pisua ≤ 0,30).
3. Cronbachen alfarekin kalkulaturiko fidagarritasun koefizientea igotzen zen.
4. Aipaturiko baldintza guztiak bi unetan gertatzen ziren.
Gauzak horrela, ER eskalatik 14. itema, eta LS azpieskalatik 4. eta 7. itemak
baztertu ziren. Ez zen itemik baztertu Bikote Harremanetako Galde-sortatik. Itemen
analisiari dagozkion datuak Taula 3, Taula 4, Taula 5, eta Taula 6 erakusten dira bi une
desberdinak azaltzen direla. Eskalen osagai nagusien analisirako bi une desberdinetan
ere egin ziren, baina emaitzetan ia diferentziarik ez zegoenez, bi unetako datuak batu
ziren datuen aurkezpenaren argitasunerako. Itemen analisirako, ordea, bi unetako
emaitzak erakusten dira baldintza bat momentu diferenteetan itemak jokabide desegokia
izatea baitzen.