Atxikimendu insegurua eta genero rolak pertsonarteko ... - Euskara

Atal enpirikoa: Metodoa 175
Bizkaian:
- Zientziak Fakultatean (Biokimikak eta Biologia titulazioetan),
- Gizarte eta Informazio Zientzien Fakultatean (Kazetaritza eta Soziologia
titulazioetan),
- Enpresa Eskolan,
- Ekonomikak eta Enpresa Fakultatean.
- EUITI Eskolan.
Araban:
- Enpresa Eskolan.
Ikasleei testak banatu ondoren, berauek zuzen betetzeko argibideak eman
zitzaizkien. Zentro eta ikasgela batzuetan irakasleak bere eskolako 20-30 minutu utzi
zituen bitartean, beste zentro batzuetan eskola-orduetatik kanpo burutu ahal izateko
antolatu zituzten pasatze-saioak. Testak egiteko ez zen denboraren inolako mugarik
ezarri. Datuak 1999ko apirilaren eta 2000ko maiatza bitartean jaso ziren.
Zozketaren efektuetarako, datuen anonimotasuna bermatzeko, ikasleei kodea
idazteko eskatu zitzaien. Kodea honakoa izan zen: Pertsonaren izenaren iniziala +
telefono zenbakiaren erdiko bi digituak (azkeneko seiak soilik kontutan hartuz) +
jaiotze-hila. Behin datu-jasotzea burutu ondoren, euren irakasleei kode sarituen berri
emateko eskatu zitzaien, baita saridunak ikertzailearekin kontaktuan jartzeko telefono
zenbakia emateko ere.