Atxikimendu insegurua eta genero rolak pertsonarteko ... - Euskara

174 Atxikimendua, genero rolak, eta mendekotasuna
2. ikerketa
Titulazioetako irakasleekin adostu zen aldez aurretik testen pasatzea non, noiz
eta zein ordutan egingo zen, zentro bakoitzeko ordutegira egokituz. Kasu batzuetan
irakasleekin kontaktatu zen zuzenean, eta beste kasu batzuetan dekanotzako edota
zuzendaritzako edo Ikasle Kontseiluko norbaiten bitartez egin zen. Titulazio gehienekin
kontaktatu eta gero, testen pasatzea soilik batzuetan egin zen, zentro batzuetan oztopo
asko aurkeztu baitzituzten eta ez zuten baimendu edo bideratu datuak jasotzea. Gelak
aukeratzerakoan, emakumezkoen eta gizonezkoen kopurua kontutan hartu zen, titulazio
tekniko-zientifiko zein giza eta gizarte zientzietako titulazioetan antzeko zenbakiak
lortzeko asmotan. Gauzak honela, titulazio hauetan jaso ziren datuak:
Gipuzkoan:
- Psikologia Fakultatean,
- Filosofia eta Zientzien Fakultatean (Pedagogia, Psikopedagogia eta Gizarte
Hezkuntza titulazioetan),
- Informatika Fakultatean,
- Kimikak Fakultatean,
- Zuzenbide Fakultatean,
- Irakasle Eskolan (Atzerritar Hizkuntza eta Lehen Hezkuntza berezitasunetan),
- Enpresa Eskolan,
- EUITI eskolan.