Atxikimendu insegurua eta genero rolak pertsonarteko ... - Euskara

Atal enpirikoa: Helburuak 161
2.2. HELBURUAK
Sarreran aurreratzen den bezala, mendekotasunaren korrelatu batzuen azterketa
zen gure ikerketaren xedea. Zehazkiago esanda, lehenengo eta behin mendekotasun
instrumentalean eta emozionalean generoko desberdintasunik zegoen ala ez ikusi nahi
zen. Hemendik abiatuz, eta genero rola generotik abiatzen deneko baieztapenetik
abiatuz, aztertu nahi genuen zein puntutaraino genero rolaren efektua zen generoko
desberdintasunak mendekotasunena sortzen zituena. Honen arabera, genero biologikoa
genero rolaren aldagai artekaria besterik ez zen izango mendekotasunaren
puntuazioetan. Bestetik, frogatu nahi genuen mendekotasuna eta atxikimenduaren
osagaien arteko erlazioa. Azkenik, mendekotasun mota biren desberdintasuna aztertu
nahi genuen; horretarako, egokia zen ikustea bai mendekotasunaren neurketarako
tresnaren osagai nagusien analisia egitea, bai mendekotasun emozional eta
mendekotasun instrumentalaren erregresioko lerro eredua kalkulatzea.