Hezitzaileen prestakuntza esperientziala: aisialdiko ... - Euskara

Esperientziaren bilakaera eta azterketa 229
4.5. HIRUGARREN EPEA. ETENGABEKO PRESTAKUNTZA:
HEZITZAILEEN HARREMAN-TREBETASUNEN
LANKETA ESPERIENTZIALAREN GARAPENA
Epe hau urtarrilaren hasieran kokatzen dut. Horrenbestez, kokatze-fasea amaitu ostean
ekin nion. Beraz, formazio-saioak hezkuntza-praktikara eta hezitzailen harremantrebetasunen
lanketara bideratu nituen. Hortik aurrera, bada, etengabeko formazioaren
zikloari hasiera eman nion, non hasierako ikastaroan esperimentatutakoa hezitzaileen
hezkuntza-praktika zuzenarekin (tailerrak) uztartzeko asmo sendoa nuen.
Kokatze-lanaren ostean, eta nik diseinatu bezala, hezitzaileen formazioaren garapenaren
epea irekitzen zen.
15. TAULA: Hezitzaileen esku-hartzea onbideratzeko urratsak
Hezitzaileen ordura arteko
eskuartzearen gakoak
Hezitzaileen arreta beraien baitatik at
zeuden gertaeretan kokatuta zegoen,
ez norberaren bizipenen eta
esperimentazioaren baitan.
Hezitzaileen arreta gunea, tailerretatik
kanpo zegoen. Euren interesa eta ardura
ez zegoen hezkuntza-praktikara
bideratuta, beraz, ez zegoen
heziketa mementura bideratuta.
Hezitzaileek bost harremanbideen eredua
oso azaletik erabiltzen zuten.
Zer egin behar nuen hezitzaileen
formazioa onbideratzeko
Hezitzaileen formazioaren bide
esperientzialean oinarritu; hortaz,
formazioaren fokua norberaren harreman-trebetasunen
bizipenetara eta lanketara zuzendu.
Beraz, formazioa hezkuntza-praktikaren
muinera zuzendu, hau da, harremanen kalitatera.
Horretarako guztirako bost harremanbideen ereduaz
baliatu eta erabili.
Ikus dezagun, bada, epe honek zer-nolako bilakaera eduki zuen, eta berorren azterketa.