Ikasteredu elebidunak eta euskararen azterketan ... - Euskaltzaindia

738
GArCiA-AzkOAGA, L.M. - DiAz DE GErEñU, L.: Ahozko narratibotasuna...
· interjekzioak: […hortxe herriko enparantzan haritzaren azpian exeri eta ua::!...]
· izen berezien balio konnotatiboa: [...irakaslearen izena Don Seriyo zan! Don Seriyo
oso irakasle serio serioa zan...]
· interakzio-kontestuarekiko adierazpide erreferentzialen artean, batik bat,
lekuzko aditzondoak eta zenbait erakusle hartuko ditugu kontuan, adibidez: kontestuari
erreferentzia egiten dieten lekuzko aditzondoak: […sorbalda gainean / hemen
/ oilar bat /…]
· Eta abar.
Behin forma linguistikoak zehaztuta eta kohesio-mekanismo horiek beren
dimentsio linguistiko, interakziozko eta sozio-diskurtsibo osoan aztertze aldera
(Bronckart, 2005; roulet et alii, 2001; Garcia, idiazabal & Larringanek (argitaratzeko)),
proposatutako eskemari jarraiturik, estrategia horien interpretazioa
egingo dugu enuntziazioaren aldetik beren dimentsio interakzionala kontuan
harturik, (hau da, zein den beren zeregina testuaren mailan); hirugarrenez, estrategia
horien dimentsio sozialari erreparatuko diogu testu-generoa identifikatutako
estrategia kohesiboekin nola artikulatzen den interpretatzen saiatzeko.
Ez dugu, kohesio-mekanismo guztien azterketa erabat zehatza egingo, gure helburua
testu-genero honen ezaugarritzea ahalbidetuko duten kohesio-mekanismoei
buruzko informazioa eskuratzea eta eskaintzea baita.
2. Azterketa eta emaitzak
Lehenik eta behin, esatariak darabilzkien kohesio-mekanismoen forma linguistikoei
erreparatuko diegu, gero dimentsio interaktibo eta sozialari begiratzeko.
2.1. Kohesio-mekanismoen dimentsio linguistikoa
Atal honetan lehenik, ohiko adierazpide anaforikoak jorratuko ditugu.
Euskera. 2009, 54, 2-1. zatia, 723-770. Bilbo
issn 0210-1564