1. ehiza

EHIZAREN ALDE ALA
KONTRA?
Niri ez zait ehiza gehiegi gustatzen. Animaliak dibertsioagatik
akatzea ez zait bat ere ondo iruditzen eta gehienetan ez dute animalia
aprobetxatzen. Gainera, mendian soinu gehiegi egiten dute eta animalia
asko izutzen dituzte tiroen ondorioz. Arrazoi guzti horien ondorioz, nire
ustez ehiza debekatu beharko lukete, eta bizitzeko beharrezkoa denean
bakarrik utzi.
AINGERU ASTIGARRAGA
Ehizaren testua irakurri dugu gelan eta hainbat iritzi eman behar
dut honi buruz.
Testuan jartzen duenez, batzuek ehiza "kirola" dela esaten dute. Nire
ustez izugarrizko astakeria da ehiza, zure gozamenerako animaliak
hiltzen direlako. Egia da, legeak hori baimentzen duela. Baina lehen
testuan ikusi dugun bezala, legeak esaten duen guztia ez dago ondo.
Beraz, ni, dudarik gabe, ehizaren kontrakoa naiz.
TXOMIN BERGUA
Ehiza, animaliak sufriarazten dituen jarduera da. Ehiza gorroto
duten pertsonen artean kokatzen dut neure burua. Nik ez diot kirola
deitzen jarduera horri, hilketa baizik. Animalia bat izango banintz, ez
litzaidake gustatuko norbait ni akatzea, dibertitu nahi delako. Ez zait
dibertigarria iruditzen gu bezalakoak diren izaki bizidunak sufriarazte eta
hiltzea. Animaliek bizitzeko eskubidea dute eta guk, haien presentziaz
gozatzeko eskubidea dugu eta ehiztariek eskubideak kentzen dizkigute.
Hau dena ondorioztatuz, ehiza oso jarduera desegokia dela esan
beharko nuke.
MALEN PALAZUELO

Egia da, lehen ehiza ezin bestekoa zela bizitzeko, baina gaur egun
ehizaren kontrako eta aldeko taldeak daude. Nik egia esanda, kontrako
taldean kokatzen dut neure burua, ez zaidalako ondo iruditzen pertsona
batzuen zaletasuna beste izaki batzuk hiltzen izatea.
Munduan gauza batzuetarako maila berekoak gara, eta horrek
esan nahi du beste bizidunak kasu honetan, animaliak ez direla
gutxiago. Adibidez, orain txori bat gu ehizatzen hasten bada, ez
litzaiguke normala izango ;ba gure kasuan, berdin.
Ehiztari guztiei legeak baimentzen die, baina, egia esan, inoiz ez
ditut ulertuko lege ugari. Oro har, pertsona batek beste pertsona hiltzen
badu, hiltzailea kartzelara joan behar du, baina ehiztariek, baimena
edukita ere, gauza berbera egiten ari dira.
Eta hori guztia esanda, nik uste dut ehiza debekatu behar dutela,
denbora horrela galtzeko gauza asko daudelako.
LAURA CANO
Hasteko eta gauzak garbi uzteko ni ehizaren aurka nagoela esango
dut. "Kirol noblea" esaten dioten basakeria hau guztiz primitiboa eta
beharrik gabea iruditzen zait. Ez nago inongo hilketaren alde, eta
gutxiago plazer hutsez baldin bada. Egia da (lehengo garaietan batez
ere) batzuetan beharrezkoa izaten dela ehizatzea, jateko. Hau esanda,
nire iritzia argi uzten dut: ez nago batere ados ehizarekin, guztiz
beharrezkoa ez bada.
TXOMIN KAMINO
Ehiza "kirol" modukotzat hartzen da, niri ez zait ongi iruditzen. Ez
naiz ehizaren aldekoa. Sufrimendua eta heriotza ekartzen duen "kirol"
bat? Noiztik hori? Hasteko,animaliek ere bizia dute.
Esan beharra dago, lizentzia dutela ehizatzeko. Baina dibertitzeagatik
egitea...animaliak akatzea? Ez dugu beharrik. Norbaitek galaraziko du?
Ahalko banu, nik neuk galaraziko nuke.
LEIRE MURGIONDO

Urte askotan zehar ehiza debekatzearen debatea egon da.
Ehiztariek kirol noble bat dela esaten dute, baina gehienek,nik
bezalaxe,ehiza animaliei sufriarazteko egindako "kirola" da. Orain ez
dugu ehiza egin beharrik janaria lortzeko. Orduan, ehiza beste izaki
batzuk sufritzen ikusteko ezin da kirola izan. Ehiztariek beraien lorpena
etxera eramaten dute eta gehienetan paretetan egoteko dira, garaipen
bezala adieraziak. Ez da normala izaki bizidun bat hiltzea garaipen
trofeo bezala izateko. Horren ondorioz,eta ehiza egiten ez duten guztien
iritzi berdinarekin esan daiteke jende gehiena ehiza egitearen aurka
dagoela.
EIER ARIZKORRETA
Nire ustez ehiza oso krudela iruditzen zait, ez zait normala iruditzen
izaki bizidun baten sufrimenduaz dibertitzea. Lehen ehiza egin behar
zuten jana eskuratu ahal izateko, baina orain? Zertarako behar da
ehiza? Ezertarako ez. Gainera munduko animaliak denenak dira eta ez
zait justua iruditzen norbait eskopeta batekin joatea eta akabatzea,
denenak direlako eta hil egiten badituzte ezin da beraietaz gehiago
disfrutatu. Asko pentsatuta, ondorio batera iristen naiz, eskopeta batekin
jolastea gustatzen bazaizu ,latei eman edo diana bati eman, baina
animaliei uzteko bakean azkenean animaliak desagertuko direlako,
pertsona batzuen krudeltasunarengatik.
MAIDER ARRIETA
Ehizaren testua irakurri ondoren, ondorio batera iritsi naiz. Aurretik,
aitortu behar dut, familiako kide eta lagun asko ditudala mundu horretan
dabiltzanak,beraz, ehizaren mundua bizitzen duten multzoan kokatzen
dut neure burua. Diotenez,ehiza kiroltzat hartzen dute. Dena den, esan
beharra daukat nire iritziz, oraingoan, arrazoia daukala ehizaren kontra
dagoen jendeak eta ez nuke kiroltzat hartuko sufrimendua eta heriotza
dakarren jarduera. Era berean, ehiztariek lizentzia bat ordaintzen dute.
Horrekin esan nahi dudana hau da: legeak ehizarako eskubidea ematen
badie, ados nagoela arrazoi hori euren alde erabiltzearekin.
Eta horren guztiaren aurrean,ados nago ehiztariek egiten
dutenarekin,beti ere era kontrolatu batean eta azken finean haiek izaten
dira naturaren miresle, maitale eta aldeko amorratuenak.
KATTALIN MUTUBERRIA

Ni ehizaren alde eta kontra nago. Nire ustez, animali batzuk, otsoak
adibidez, oso arriskutsuak dira, otso bat edo bi akatzen badituzu, ez da
ezer gertatuko,. Gauza da, guztiak ez direla akatu behar, baina nire
ustez, ez da egongo gaizki, animali arriskutsuren bat ehizatzen baduzu.
Hori bai, elefante batekin gauzak aldatzen dira, elefanteek ez dute
inongo arriskurik, zuk ez badiezu minik egiten lehenago. Nik behar
badut, ehizarako baimena aterako nuke, eta leku arriskutsu batera
joaten banaiz, ehizarako armaren bat eramango nuke, edo lasaigarri
batzuk, baina akatzen badut animaliren bat, arriskuan egon naizelako
erabiliko nuke.
Mundu guztiak ditu bere eskubideak, nik behintzat ez nituzke
animaliak ehizatuko, dibertsioz balitz, trankilizante batzuekin izango zen,
horrela ez nuke animalia hilko.
Baina pentsatzen jartzen bagara, ehiza gabe, ez zen egongo
arrainik; ehiza gabe, gizakiok ez genuke animalien haragia jango, eta
gure txistorra? Ez zen egongo. Horrela pentsatuta, niretzako, argi eta
garbi, ehiza ez dago gaizki BAINA puntu bateraino, ezin dugu ikusten
dugun guztia ehizatu. Ala zuk ehizatuko zenuke zure katua edo
txakurra?
EKAITZ T.