irakurri homilia - Elizagipuzkoa.org

MARIA, ERREBELAZIOAREN TESTIGU LEIAL
Frantziskotarren anaidia maitea, apaiz-senide elkar-mezaemaile,
Arantzazuko Amaren zale maiteok, hemen zaudeten herri
agintari
estimatuok.
Beste urte batez gure Elizbarrutiko Zaindariaren eguna
ospatzen
dugu, Arantzazuko Andre Mariaren eguna. Hain gertuko
zaigun deitura
honekin adierazten den Zeruko Amarekiko maitasun bihotzekoak,
fedea
gutako bakoitzarengan zeinen errotua dagoen adierazten
du eta fede
katolikoak gure euskal kulturan markatua utzi duen aztarna sakona agertu
ere bai. Mexikon izana naiz berriki gogojardunak zuzentzen
eta bertan ikusi
ahal izan nuen nola euskal misiolariek, eta bereziki
frantziskotarrek,
Arantzazuko Amarekiko jaiera zabaldu izan duten igaro
diren tokian.
Esaera zaharrak hala dio: “hitza da bihotzaren giltza”
eta Amerikara fede
katolikoa eraman zuten frantziskotar misiolariengan garbi ikusten da
Kristorekiko eta bere Ama Mariarekiko fedez gainezka
izango dutela
bihotza.
Mariologiak gehien azpimarratu duen Andre Mariaren bertuteetako
bati erreparatu nahi nioke bereziki gaurko jai honetan:
“Jainkoaren
Hitzarekiko bere harreraz” ari naiz. “Virgo Audiens”
da Maria, hau da,
Jainkoaren Hitzarekiko entzule-jarrera harbera duen Birjina da bera.
Garrantzia eta gaurkotasun handia duen jarrera da hori,
eta fede kristauaren
adierazpenaren desitxuratze desberdinei aurre egiten
diegun garai honetan
eredu argigarria gertatzen da Maria jarrera hori dela
eta.
Egiaz, egungo arrisku nabarmenetariko bat fedearen subjektibizazioa
da. Gure kulturan hain nabaria den erlatibizaziorako
joerak ez du
salbuespenik esparru erlijiosoan. Areago, gure garaiaren
ezaugarri den
“norbere neurrirako fedean” nabarmentzen da hori. Egunotan
fede
katolikoak aurre egin beharreko zailtasunik handiena
ez da bereziki
ateismoa, bai ordea garaiko kategoria ideologikoen edo geure gusto
pertsonalen baitan egituratzen diren fedearen desitxuratze
edo
berregituratzeak. Bada arriskua, Bere antz eta irudiko
sortu gintuen
Jainkoarengan sinesteari utzi eta gutako bakoitzaren
neurrira egindako
jainko batetan sinesteko.
Tentaldi honi aurre egiteko gakoa, Andre Mariak bezala
Jainkoaren
Errebelazioa leialtasunez onartzean dago. Egiaz, egun,
sinesterik ezaren
muga ez dago hainbat Jainkoa badenik ukatzean, Jainkoaren
Errebelazio
historikoaren gertakaria ezeztatzean baizik. Badirudi,
gure kultura
erlatibistak, ez duela arazo handirik fededun bakoitzaren
neurrira ulertutako

eta onartutako izaki goren baten existentzia onartzeko.
Baina gure kultura
erlatibistak Jainkoa gu guztiontzat bide konkretu batean
(Israel herria eta
Jesu Kristo) errebelatu izana eta Berarengana garamatzan
bidea izendatua
utzi izana ez du inolaz ere onartzen.
Erlatibismoaren kulturak arazorik gabe onartzen du norbere neurrira
egindako fedea bideratzen duen halako espiritualitate
subjetibista batekiko
jarrera irekia; baina desegokitzat baztertzen du Jainkoak
ezarritako
bidearekiko
katolikoa.
obedientzia oinarritzen duen Errebelazioarekiko
fede
Bada, Maria, “Virgo Audiens” duguna Errebelazioaren
testigu
gertatzen da Jainkoaren Hitzarekiko erabat irekia dagoen
izakia bilakatzen
denean: “Hona hemen ni Jaunaren mirabea, gerta bekit zuk diozun
bezala”. Jainkoaren nahaiarekiko erabat zabalik bizitzen erakusten
digu
Mariak, baita pentsatzen edo itxaroten dugunaren gainetik
ere.
Zentzu honetan, bi jarrera oso desberdin izan genitzake
Eskritura
Santura gerturatzean. Jainkoaren Hitzean gure pentsakera
eta sentipenak
oinarritzeko arrazoiak bilatu nahi izatea litzateke
lehenengoa; Jainkoari gu
bezala pentsa dezan eta arrazoi eman diezagun eskatzea
bezala litzateke
hori. Baina bigarren jarrera, Mariarena, benetakoa Eskritura Santura
Jainkoak esan nahi diguna ezagutzeko asmorekin gerturatzea
litzateke;
Jainkoak nahi eta uste duenaren arabera gure pentsamentua
eta
sentsibilitatea hezitzea litzateke hori.
Vatikanoko II. Kontzilioko “Dei Verbum” konstituzioak
ohartarazten
digun bezala, Jainkoaren Errebelazioak bi iturri ditu:
Biblia eta Elizaren
tradizioa. Biak –Bibliak eta Tradizioak- batasun bat
osatzen dute eta elkar
argitzen dute. Elizaren Tradizioak bideratzen digu Jainkoaren Hitzaren
egiazko ulermena, okerrak edo aski garbiak ez diren gure kriteroen baitan
ulertu gabe.
Esan dezadan berriz: Andre Maria, Zeruko gure Ama, Jainkoaren
Errebelazioaren testigu leiala da. Berarengandik ikasten
dugu gure barrua
zabaltzen, onartzen, leialtasunez bizitzen eta munduaren
aurrean testigu
izaten, Jainko Aitaren Errebelazioaren testigu, Semearengan,
Espiritu
Santuaren bidez.
Eta, beste urte batez, Arantzazuko Amari Bakearen Ama deitzen
diogu. Bakebidean urratsak eman behar dituzten guztien
bihotzak zentzaraz
ditzala eskaten diogu berari. Gure aldetik, Jaunaren
Eliza eta fededunen
elkarte garenez, indarkeriaren biktimak kristau moduan
babesteko

konpromisoa hartzen dugu; ETAri desegiteko eta egindako
gaitza garbi
aitortzeko ausardia eskatzen diogu, autojustifikazio
guztiak gaindituz.
Hainbeste min osatzeak eta hainbeste ezinikusi sendatzeak
gardentasun
handia eskatzen du eta inolako zalantzarik gabe indarkeria
ez onartzea: ez
iraganekoa, ez oraingoa eta ez etorkizunekoa.
Batak besteari gain hartzeko arriskua dute gaurkotasun-albisteek,
gertaera mingarriak ahaztaraziz, Afrikako Adarreko gosete larriarekin
gertatzen den bezala. Gure oporrak lasai aurrera egin
duten bitartean
lurralde haietan aurrera egin du zorigaitzak, erabateko
konponbiderik
aurkitu gabe. CARITAS eta Manos Unidas erakundeen laguntza,
beste
antolabide askorena bezala garrantzitsua da, baina ez nahikoa. Uste dugu,
ONUren baitako nazioarteko erakundeek behar luketela
gaitasuna egoera
hauei era azkar, txukun eta erabakigarrian aurre egiteko.
Erabaki handiagoz
egin behar dugu nazioarteko solidaritate baterako bidea. Herri aurreratuen
pekatua oso larria da, bai laguntza ukatzeagatik eta
baita nazioen arteko
desorekekin gaizkide izateagatik ere. Lotsagarria da
benetan!
Bestalde, krisi ekonomikoa bereak egiten darrai gure
artean, eta
bereziki bere lehen lana oraindik izan ez duten gazteengan,
adinez aurrera
doazen langabetuengan eta etorkinengan. “Ekonomia gizakiaren
esanetara”, Iruñea, Gasteiz, Bilbao eta Donostiako Gotzainok Garizuman
idatzi genuen Pastoral Idazkiaren baitan eginda Arantzazuko
bederatziurrenako hausnarketa Santutegi honetan. Bide
luzea dugu oraindik
moral sozialaren ikasbidean, zera baitirudi, merkatuko
ekonomiaren koloka
baino gehiago autokritika sakona behar duen sistema kapitalista baten
egiturazko krisiaren aurren gaudela.
Pastoral urte berriaren hasiera ere Arantzazuko Andre
Mariaren esku
uzten dugu, bertan hain beharrezkoa den Ebanjelizatze
Berria ekiteko
Pastoral Egitasmo bati helduko baitio gure Elizbarrutiak.
Guztiok laguntzea
eta guztiok lan honetan sartzea ezinbestekoa izango da noski. Jainkoak
bedeinka gaitzala!
+ Jose Ignazio Munilla
Donostiako Gotzaina