inprimitzeko bertsioa PDFn - Armiarma

996
BIBLE SAINDUA (II)
40. Eta Zendebeo Jamniara heldu izan zen, eta abiatu zen populuari
bidegabe egiten, Judearen oinkatzen, gizon preso hartzen eta hiltzen, eta
Jedorren harrasiztatzen.
41. Eta han ezarri zituen zaldizkoak eta armada bat, handik ilkhialdika
ibil zitezen Judeako aldeak gaindi, erregek manatu bezala.
XVI. KAP.
1. Joanes ethorri zen Gazaratik eta bere aita Simoni ekharri zioen
Zendebeok beren herritarrei egiten ziozkatenen berria.
2. Orduan Simonek deithu zituen bere bi Seme zaharrenak, Judas eta
Joanes, eta erran zioten: Nik, ene anaiek eta ene aitaren etxeak, garhaitu
ditugu Israelen etsaiak, gure gaztarotik eta orai arteo; eta zoriona izatu
dugu, Israelen libratzekoa behin baino gehiagotan.
3. Orai ordean zahartua naiz; bainan zuek jar zaitezte ene ordain;
balia zakizkidate ene anaiatzat; zoazte, gudu egizue zuen herriarentzat, eta
zerutikako laguntza izan bedi zuekin.
4. Eta hautatu zituen lekhu guzitik hogoi mila gerlari oinezkoak, eta
zaldizkoak ere. Zendebeoren kontra abiatu ziren, eta Modinen eman
zuten gaua.
5. Goizean jaikirik, zelhaiera sarthu ziren eta hara oinezko eta zaldizko
armada handi bat heldu zitzaiotela bidera, eta ur erreka bat zuten
artean.
6. Joanesek hekiei buruz higiarazi zituen kanpak eta bere armada;
ohartu zen lotsa zirela errekaren iragaitera, eta bera iragan zen lehenbizikorik;
gizonek ikhusi zutenean, hekiek ere ondotik iragan ziren.
7. Armada ezarri zuen bi andanetan, zaldizkoak oinezkoen erdian;
ezen etsaiek bazuten nihonereko zaldieria.
8. Eta Israeldarrek jo zituzten turuta sakratuak, eta ihesari eman
ziren Zendebeo eta bere armada; hekietarik asko erori ziren sarraskituak,
gainerakoek berriz, gaztelura ihes egin zuten.
9. Judasek, Joanesen anaiak, atzeman zuen sakhi bat orduan; bainan
Joanes jarraiki zen etsaiari heldu arteo Zedronera, zeina hazkartua baitzuen.
10. Etsaiak ihes egin zuen Azoteko bazterretan ziren dorreetara eta
Joanesek su eman zioten. Etsaietarik bi mila gizonek lurra jo zuten, eta
Joanes bakean bihurtu zen Judeara.
11. Ptolemeo, Abobiren semea, zen Jerikoko ordokian buruzagi ezarria,
eta urhe eta zilharrez aberats zen;
12. Ezik aphez-handiaren suhia zen.
Jean Pierre Duvoisin
13. Eta hantu zitzaioen bihotza; nahi zukeen Judeaz jabetu, eta
zimarkhu asmatzen zabilan Simonen eta haren semeen kontra, guzien
galarazteko.
14. Bada, Simon Judeako lurrean ziren hirietan zabilan batetik bertzera,
hekien egitekoen xuxentzen, eta Jerikora jautsi ziren bera eta bere
bi seme, Mathathias eta Judas, zortzitan hogoi eta hamazazpigarren urthean
eta hamekagarren hilabethean, hura baitzen sabath.
15. Zimarkhua gogoan, Abobiren semeak ongi-ethorri egin zioten,
berak egina eta Dok deitzen zen gazteluxka batean; barazkari handi bat
eman zioten, eta han bazituen gizonak gordeak.
16. Eta Simon eta bere semeak aseak zauden orduan, Ptolemeo jaiki
zen bere lagunekin, hartu zituzten beren harmak, sarthu ziren barazkariko
salhan eta hil zituzten Simon, haren bi semeak eta haren sehi zenbait.
17. Horreletan zimarkhu beltza egin zuen Israelen eta gaizkia bihurtu
zuen ongiaren ordain.
18. Ptolemeok iskribatu ziozkan horiek erregeri eta gaztiatu zioen
igor ziozon armada bat laguntzera, eta berak eskuetara emanen ziozkala
Judea, hango hiriak eta zergak.
19. Bertze gizon batzu igorri zituen Gazarara, Joanesen hiltzera; eta
gutunak bidali ziozkaten armadako aitzindariei, ethor zitezen haren gana
eta emanen ziozkatela urhe, zilhar eta asko gauza.
20. Eta bertze batzu igorri zituen Jerusalemez eta tenploko mendiaz
nausitzera.
21. Bainan lasterka aitzindurik, gizon batek Gazarara berria ekharri
zioen Joanesi, nola galdu ziren haren aita eta anaiak, zioelarik: Zure hiltzera
ere igorri ditu gizonak.
22. Bada, horiek aditzearekin, Joanes laztu zen guzia. Hartu zituen
beraren galtzera ethorri zirenak eta hilarazi zituen, ezagutu zuen ezik hura
galdu beharrez zabiltzala.
23. Eta Joanesen gaineko bertze solasak, haren gerletakoak, eta
bihotz hainitzekin egin zituen balentria ederretakoak, harek altxatu harrasien
gainekoak, eta haren bertze eginkarietakoak
24. Iskribatuak dire haren aphezgoako egunen liburuan, aphezen
buruzagi egina izan zenetik bere aitaren orde.
997