inprimitzeko bertsioa PDFn - Armiarma

992
BIBLE SAINDUA (II)
30. Jonathasek bildu ditu bere herritarrak, eta egina izan da aphezhandi,
eta bere arbasoetara bildua izan da.
31. Eta etsaiek nahi izan dute hekien lurra oinkatu eta xahutu, eta
lekhu sainduen gainera hedatu beren eskua.
32. Simonek orduan diote buru egin; bere jendakiarentzat da gudukatu,
barraiatu du diru hainitz, harmak eman diozkate eta soldata bere
jendakiko gizon indardunei;
33. Hazkartu ditu Judeako hiriak eta Bethsura, zeina baita Judeako
mugetan, eta zeintan baitziren aitzinean etsaiaren harmak; eta haren
zaintzeko Juduak ezarri ditu.
34. Hazkartu du Jope, itsas-bazterrean dena, eta Gazara, Azoteko
mugetan dena, zeintan etsaiak baitzauden aitzinean, eta hekietan ere
Juduak ezarri ditu; eta hekien zaintzeko egoki zen guzia barnean ezarri du.
35. Eta populuak ikhusi ditu Simonen egitateak, eta bere jendakiari
bihurtu nahi zioen ospea, eta ezarri du bere buruko eta aphezen buruzagi,
zeren egin dituen horiek oro, zuzenari eman dioen bere bidea, bere
jendakiari iduki zintasuna, eta alderen-molde haritu den bere populuaren
goratzen.
36. Eta haren egunetan, gauzak ongi goan dire haren eskuetan, hanbatean
non iraiziak izan baitire gure eremuetarik jendaiak, eta Dabiden
hirian zirenak Jerusalemgo gazteluan, zeinek, handik ilkhiz, khutsatzen
baitzituzten lekhu sainduen inguru guziak eta dainu handia ekhartzen garbitasunari;
37. Eta gazteluan Juduak ezarri ditu bazterren eta hiriaren zaintzeko,
eta goratu ditu Jerusalemgo harrasiak.
38. Eta Demetrio erregeak onhetsi dio aphez-handigoa;
39. Ara berera, hartu du bere adiskidetzat, eta ospetan goratu du;
40. Aditua zen ezik Erromarrek Juduak deitzen zituztela adiskideak,
batasundunak eta anaiak, eta ohore handirekin hartu zituztela Simonen
bidalkinak;
41. Juduek bethiko onhetsi zutela Simon beren buruzagi eta aphezhanditzat,
profeta zin bat jaiki zadien arteo,
42. Arren-eta izan zadien hekien buruzagi, har zezan lekhu sainduez
artha eta kargudunak ezar zetzan hango lan egiteko, lur, harma eta gazteluen
gaineko;
43. Artha har zezan lekhu sainduez; entzuna izan zadien orotaz;
haren izenean iskribatuak izan zitezen lekhuan ageri guziak; jauntz zadien
urhez eta purpuraz;
Jean Pierre Duvoisin
44. Eta ez populutik ez aphezetarik nihorri etzakioen izan haizu
erran diren haukien haustea, Simonen erranari zeiher egitea, edo lekhuan
bilkhu baten bilaraztea haren manurik gabe, eta purpura eta urhe-gantxoa
soinean erabiltzea;
45. Berriz, horien kontra goanen zena edo horietarik zerbait hautsiko
zuena, hobendun idukia izanen zela.
46. Populu guziaren gogarako izan zen Simon altxatzea buruzagi, eta
hitz horien arabera egitea.
47. Simonek ere onhetsi zituen, eta haren gogarako izan zen aphezhandiaren
eginbideen egitea, Juduen jendakiaren eta aphezen buruzagi eta
printze izatea eta guziei manatzea.
48. Eta erran zuten ageri hori ezarri behar zela kobrezko hostotan
eta gero tenploko lorioan toki ikhusian;
49. Kopia bat izanen zela berriz, tenploko khutxan ezarria,
Simonentzat eta haren umeentzat.
XV. KAP.
1. Bada, Antioko erregeak, Demetrioren semeak, itsasoko irletarik
gutunak igorri zituen Simoni, aphez-handi eta Juduen jendakiko buruzagiari,
eta populu guziari.
2. Eta hau zakharten gutun hekiek: Antioko erregeak, Simon, aphezhandiari,
eta Juduen jendakiari, agur.
3. Nola gizon izurriztari batzu jabetu baitire gure arbasoen erresumaz,
nahi dut orai eskuratu ene erresuma eta ezarri lehen zen bezala.
Gizon hautaz egin dut armada handi bat, eta egin ditut gerlako untziak.
4. Bada, sarthu nahi dut ene erresumara, hura izurriztatu dutenen eta
hartan asko hiri deboilatu dituztenen gainean asperkunde atheratzeko.
5. Orai beraz zure eskuko uzten darozkitzut ene aitzineko errege
guziek barkhatu darozkitzuten emaitza guziak eta nola-nahiko bertze
emanketak.
6. Dirua zure eremuetan zure haztarekin jotzeko eskua onhesten
darotzut.
7. Nahi dut berriz, Jerusaleme izan dadien saindu eta pelut; egin ditutzun
harma guziak, eta altxatu ditutzun eta zure eskuetan diren gazteluak,
geldi dakizkitzun.
8. Eta barkhatuak zaizkitzu oraidanik eta bethiraino erregeren alderako
zor oraiko eta geroko guziak.
993