inprimitzeko bertsioa PDFn - Armiarma

988
BIBLE SAINDUA (II)
27. Simonek altxatu zuen bere aitaren eta bere anaien hobiaren gainean,
urrundanik ageri zen leihor gora bat, bi aldeetarik legunduak ziren
harriz.
28. Xutik ezarrarazi zituen zazpi piramida, bat bertzearen parrean,
bere aitamentzat eta lau anaientzat.
29. Eta hekien inguruan ezarri zituen habe gora batzu, eta habeen
gainean harmak bethirainoko orhoitzapenetan; eta harmen aldean untzi
zizelatuak, ikhus zetzazten itsasoz ibiliko ziren guziek.
30. Horrelakoa da Modinen egin zuen hobia, eta egungo egunean
ikhusten dena oraino.
31. Bada, Triphon bidean zihoalarik Antioko errege gaztearekin,
zimarkhuz hil izan zuen;
32. Eta erregetu zen haren orde; eta bere buruaren gainean ezarri
zuen Asiako khoroa, eta gaizki handiak egin zituen erresuman.
33. Anartean Simonek Judean altxatu zituen gazteluak, hekiek hazkartuz
dorre goraz, harrasi handiz, athez eta zerrapoz; eta jatekoak ezarri
zituen hazkargailuetan.
34. Gero Simonek hautatu zituen zenbait gizon eta igorri ziozkan
Demetrio erregeari, galdatuz Judea zerga orotarik garbi utz zezan; ezen
Triphonen egitate guziak, ohointza eta harrapakeriarik baizik etziren.
35. Demetrio erregeak ihardetsi zioten solas horiei, eta hunelako
gutuna iskribatu zioen Simoni:
36. Demetrio erregeak Simon, aphez-handi eta erregeen adiskideari,
zaharrei eta Juduen jendakiari, agur.
37. Izatu ditugu zuek igorri urhezko khoroa eta makhila, eta zuekin
iraupenezko bake baten egitera, eta erregeren kargudunei iskribatzera
gaude, utz detzatzueten guk barkhatu zergak.
38. Ezen guk zuen onetan manatu ditugunak gogor egon beitez; zuenak
izan beitez altxatu ditutzuen hazkargailuak.
39. Barkhatzen darozkitzuegu egun arterainoko huts eta hobenak eta
zor zinarokuten khoroa; eta balin bazen bertze zerbait zerga Jerusalemen,
hura ez da zor izanen hemendik aitzinerat.
40. Eta zuetarik balin badire gure armadetan sartzeko egokiak, sar
beitez, eta bakea izan bedi gure artean.
41. Zortzitan hogoi eta hamargarren urthean Israelen gainetik izan
zen khendua jendaki arrotzen uztarria.
42. Eta Israelgo populua abiatu zen iskribu eta agerietan iskribatzen:
Lehenbiziko urthean, Simon delarik aphez-handi, lehen buruzagi, eta
Juduen printze.
Jean Pierre Duvoisin
43. Egun hekietan Simon hurbildu zen Gazari, armadaz inguratu
zuen, egin zituen sethioko tresnak; eta hiriari hurbildurik, jo eta hartu
zuen dorre bat.
44. Eta tresna batean ziren gizonak jauzi ziren hiriaren barnera; eta
hirian egin zen asaldu handia.
45. Hirian zirenak harrasi baten gainera igan ziren beren emazte eta
haurrekin, soinekoak porroskaturik, eta deihadarka hari ziren, Simoni
eskua galdatuz,
46. Eta erraten zuten: Guri ez bihur gure gaixtakerien arabera, bainan-bai
zure urrikalkortasunaren arabera.
47. Simon ukitua izan zen eta baratu zuen hekien ganik ezpata; guzia
gatik, hiritik iraizi zituen; eta xahupena eginik etxeetan zeinen barnean
egotu baitziren jainkomoldeak, orduan sarthu zen hirira, himnotan benedikatuz
Jauna.
48. Eta handik lohikeria guziak khendurik, hirian ezarri zituen legea
zainduko zuten gizonak; eta hazkartu zuen hiria eta beretzat egin zuen
egonlekhu bat.
49. Jerusalemgo gazteluan zirenak berriz, debekatuak ziren ilkhitzetik,
eta lurretara sartzetik, saltzetik eta erostetik, eta gosete handia jarri
zen hekien erdian eta asko hil ziren gosez.
50. Deihadar egin zioeten beraz Simoni, eskua galdatuz; hunek eman
zioten, bainan iraizi zituen handik, eta khutsapen guzietarik xahutu zuen
gaztelua.
51. Zortzitan hogoi eta hamekagarren urthean, bigarren hilabetheko
hogoi eta hirugarren egunean, gazteluan sarthu ziren Israelgo umeak,
palma-adarrak eskuetan, Jaunaren laudorioak himnotan eta kantiketan
errepikatuz, lira, zinbala eta nabla otsez, Israeldik etsai handi bat zelakoz
xahutua.
52. Eta Simonek ezarri zuen manua, urthe oroz egun hekiek bestaturen
zirela bozkario handitan.
53. Hazkartu zuen tenploko mendia, gazteluaren ondoan zena, eta
han egin zuen bere egoitza bere lagunekin.
54. Bada Simonek ikhusten zuen Joanes, bere semea, gerlari hazkarra
egina zela; eta ezarri zuen bere armada guzietako buruzagi; eta
Joanesek Gazaran egin zuen bere egoitza.
989