inprimitzeko bertsioa PDFn - Armiarma

980
BIBLE SAINDUA (II)
25. Jonathasen kontra jazartzen zuten haren herritarretarikako gaixtagin
batzuek;
26. Bainan erregek Jonathasi egin zioen aitzineko erregeek bezala, eta
ohore eman zioen bere adiskide guzien aitzinean.
27. Gogortu zuen aphez-buruzagigoan eta lehenago izatu zituen bertze
ohore guzietan, eta bere adiskideetan buruko ezarri zuen.
28. Jonathasek galdatu zioen erregeri zergak khen zetzan Judeatik,
hirur toparkietarik, Samariatik eta Samariako eremuetarik; eta agindu
ziozkan hirur ehun talendu.
29. Erregek eman zuen bere baia; eta horietaz orotaz Jonathasi iskribatu
ziozkan hunela mintzo ziren gutunak:
30. Demetrio erregeak bere anaia Jonathasi eta Juduen jendakiari,
agur.
31. Lasthene gure ahaideari zuetaz iskribatu diogun gutunaren kopia
igortzen darotzuegu, ezagut dezazuen.
32. Demetrio erregeak Lasthene bere ahaideari, agur.
33. Gure adiskide Juduen jendakiari, guri zor zaikuna gure alderat
idukitzen dutenei, ongi egiteko xedetan gare, berek gure alderat erakhusten
duten ongi-nahiaren gatik.
34. Erabaki dugu beraz Judeako eremu guziak, eta hirur hiriak, Lida
eta Erramatha, Samariatik judeari eratxikiak direnak, beren eremu guziekin,
bereziak izanen direla, Jerusalemen sakrifikatzen hari direnentzat,
erregeri emateko bidean, aitzinean handik urthe oroz izaten zituen zergak,
lurreko eta zuhaitzetako fruituak.
35. Eta oraidanik uzten daroeztegu erregeren bertze zuzenak hamarrenetan
eta zergetan, eta halaber gaztegiak eta ekhartzen zarozkiguten
khoroak.
36. Horiek oro ematen diozkategu, eta gure emaitzetarik bat ez da
alferra izanen oraidanik eta gero guziraino.
37. Orai beraz artha har zazue erabaki hunen kopia baten atheratzeko;
eta Jonathasi emana izan bekio, eta ezar bezate mendi sainduan, lekhurik
agerienean.
38. Orduan Demetrio erregeak ikhusirik lur guzia ixildu zela haren
aitzinean, eta nihork etzioela buru egiten, bere armada guzia igorri zuen,
soldado bakhotxa bere herrira, lekhat armada arrotza, jendaien irletarik
erakharri zuena; eta bere aiten armadetarik hanbat etsai egin zuen.
39. Bada, Triphon, aitzinean Alexandroren aldea iduki zutenetarik
bat zen. Ikhusi zuen armada guziak Demetrioren kontra marmaratzen
Jean Pierre Duvoisin
zuela, eta goan zen Emalkuel Arabiarraren gana, zeinak hazten baitzuen
Antioko, Alexandroren semea;
40. Eta premiatzen zuen eskuetara eman ziozon Antioko, erregina
zadientzat bere aitaren orde. Erran ziozkan Demetriok egin zituen guziak
eta nolako gaitzirizkoan zen armada haren kontra. Eta Triphon han egotu
zen egun luzez.
41. Bizkitartean Jonathasek Demetrioren gana norbait igorri zuen
othoiztera khen zetzan Jerusalemgo gazteluan eta bertze hazkargailuetan
ziren gizonak, zeren gerla egiten baitzioten Israeli.
42. Eta Demetriok hau gaztiatu zioen Jonathasi: Eginen dut zuretzat
eta zure jendakiarentzat ez hori bakharrik, bainan oraino ospetan ezarriren
zaituztet zu eta zure jendakia, hortako dathorkeenean ordu ona.
43. Orai beraz ongi eginen duzu zure gizonetarik ene laguntzera
bidaltzea, zeren urrundu baitzait ene armada guzia.
44. Eta Jonathasek Antiokiara igorri zituen hirur mila gizon biphilenetarik;
eta goan ziren erregeren gana, eta erregek atsegin handi izan zuen
hekien ethortzeaz.
45. Orduan elkharren gana bildu ziren hiritarrak, sei hogoi mila
gizon, eta hil nahi zuten errege.
46. Erregek bere jauregira ihes egin zuen; hiritarrak jabetu ziren hiriko
karrikez, eta gudukan hall ziren.
47. Erregek laguntzara deithu zituen Juduak; haukiek oro batera
bildu ziren erregeren ingurura; hiria gaindi barraiatu ziren,
48. Eta egun hartan hil zituzten ehun mila gizon. Su eman zioten
hiriari, bildu zuten buluzkinketa gaitza, eta libratu zuten errege.
49. Hirikoek ikhusirik Juduak nausitu zirela hiriaz, eta nahi zutena
egiten zutela; galdu zuten bihotz guzia, eta erregeri deihadar egin zioten
othoizka, eta erranez:
50. Iguzu eskua, eta Juduak geldi beitez gerla egitetik guri eta gure
hiriari.
51. Eta arthiki zituzten harmak, eta egin zuten bakea. Juduek ospe
atheratu zuten erregeren eta haren erresumako guzien aitzinean, eta aiphamen
handitan izan ziren erresuman, eta buluzkinez betherik bihurtu
ziren Jerusalemera.
52. Horreletan Demetrio gogortu zen bere tronuan, eta lurra ixildu
zen haren aitzinean.
53. Bainan gezur egin zioten eman zituen hitz guziei; urrundu zen
Jonathasen ganik, eta haren ganik izan zituen ongiak sariztatu behar
bidean, gaizki hainitz egiten zioen.
981