inprimitzeko bertsioa PDFn - Armiarma

976
BIBLE SAINDUA (II)
52. Nola bihurtu bainaiz ene erresumara, eta jarri bainaiz ene arbasoen
tronuan, eta ardietsi baitut nausitasuna Demetrio garhaiturik, eta
gure tokiez jabeturik
53. Ezen gudu eman diot, eta bera eta bere armada xahutuak izan
dire, eta jarri naiz harek zadukan errege-tronuan.
54. Egin detzagun orai elkharrekin adiskidantzak; indazu zure alaba
emaztetzat, eta zure suhia izanen naiz, eta hari eta zuri eginen darozkitzuet
zuei dagozkitzuen emaitzak.
55. Eta Ptolemeo erregeak ihardetsi zioen: Zorionezkoa eguna, zeintan
bihurtu baitzare zure arbasoen lurrera, eta jarri hekien erresumako
tronuan
56. Eginen dut orai zuk iskribatu duzuna; bainan bidera zatorzkit
Ptolemaidaraino, ikhus dezagun elkhar, eta alaba emaztetzat eman dezazudan,
zuk galdatu bezala.
57. Ptolemeo ilkhi zen beraz Egiptotik bere alaba Kleopatrarekin, eta
ethorri zen Ptolemaidara, zortzitan hogoi eta bigarren urthean.
58. Alexandro erregea atheratua zen bidera eta Ptolemeok eman
zioen bere alaba Kleopatra. Ezteiak egin zituzten Ptolemaidan, erregeek
ohi duten bezala ospe handiaren erdian.
59. Alexandro erregeak iskribatu zioen Jonathas athera zakioen bidera.
60. Jonathas osperekin goan zen Ptolemaidara; bi erregeen aitzinera
agertu zen; eman zioten urhe, zilhar eta emaitza asko; eta begitharte aurkhitu
zuen hekien aitzinean.
61. Eta gizatzar, gizon gaixto batzu haren kontra bildu eta jazarrika
haritu ziren; bainan erregek etzituen entzun.
62. Eta manatu zuen Jonathasi khen ziotzoten bere soinekoak eta
purpuraz jauntz zezaten; eta hala egina izan zen, eta erregek bere aldean
jarrarazi zuen.
63. Eta bere azpiko aitzindariei erran zioten: Ilkhi zaitezte
Jonathasekin hiriaren erdira, eta oihu egizue nihor ez dadien hunen kontra
edozein egitekoz jazartzen abia, eta niholaz-ere nihor ez dakioen izan
khexagarri.
64. Eta ikhusi zutenean haren ospea, eta hartaz erantzuten zituztenak
eta purpuraz jauntzia zela, ihes egin zuten haren jazarle guziek.
65. Eta erregek ohoretan altxatu zuen eta haren izena iskribatu zuen
bere adiskide mamienen arteko, eta ezarri zuen buruzagi eta jauntasunean
phartedun.
66. Eta Jonathas bake eta bozkariorekin itzuli zen Jerusalemera.
Jean Pierre Duvoisin
67. Zortzitan hogoi eta bortzgarren urthean, Demetrio,
Demetrioren semea, Kretatik ethorri zen bere arbasoen lurrera.
68. Alexandro erregeak aditu zuen berria; atsekabe handia izan zuen,
eta Antiokiara bihurtu zen.
69. Demetrio erregeak buruzagi ezarri zuen Apolonio, Zelestrian
manatzen zuena; armada handi bat bildurik, Apolonio hurbildu zen
Jamniara, eta Jonathas aphez-handiari igorri zuen
70. Erratera: Hi bakharra haiz guri zeiherrera atheratzen haizena; ni
berriz, irrigarri eta laidagarri egin naiz horren gatik, zeren gure kontra
ihardukitzen dukan mendietan.
71. Orai beraz, gai badadukak hire burua, jauts hadi gure gana ordokira;
han hazta dezagun elkhar, ezen enekin duk guduetako indarra.
72. Galda zak eta ikhasak nor naizen ni, eta nor diren ene lagunak,
zeinek baiterrate hire oinak ezin eginen duela gogor gure aitzinean, zeren
hire aitek bi aldiz beren lurrean jo baitute ihesari.
73. Eta orai nola egin hiozokete buru zaldieriari eta hunenbateko
armadari, harririk eta gerendarik eta ihes-lekhurik ez den zelhaiean?
74. Jonathasek berriz, solas horiek aditu zituenean, erresumin hartu
zuen bihotzean; hamar mila gizon hautaturik, ilkhi zen Jerusalemdik; eta
Simon, bere anaia, ethorri zitzaioen laguntzera.
75. Jopeko ondoan landatu zituzten kanpak; bainan hiriak kanpotik
utzi zituen (ezen Apoloniorentzat zaindua zen), eta Jonathasek sethiatu
zuen.
76. Eta hirian zirenak izitu ziren, eta ideki zituzten atheak, eta horreletan
Jonathasek hartu zuen Jope.
77. Apoloniok aditu zuen hori eta bideari eman zen hirur mila zaldizko
eta armada handi batekin.
78. Bide nabar bezala goan zen Azoteko aldera, eta berehala ilkhi zen
ordokira, zeren zaldizko hainitz baitzuen, eta hekietan baitzuen bere sinhestea.
Jonathas jarraiki zitzaioen Azotera, eta gudutan lothu ziren.
79. Apoloniok ixilik kanpetan utzi zituen mila zaldizko Juduen gibelean.
80. Jonathasek jakin zuen zelatak bazituela gibeletik; etsaiak ethorri
ziren haren kanpen ingurua, eta goizetik arratseraino geziak arthiki zituzten
populuaren gainera.
81. Bainan populua higitu gabe zagoen, Jonathasek manatu bezala;
eta nekhatu ziren etsaien zaldiak.
82. Orduan Simonek ilkhiarazi zuen bere armada eta gudu eman zioten
oinezkoei, ezen nekhatuak ziren zaldizkoak; eta xahutua izan zen
etsaia eta ihesari eman zen.
977