inprimitzeko bertsioa PDFn - Armiarma

974
BIBLE SAINDUA (II)
24. Nik ere iskribaturen diozkatet solas onak eta eskainiren diozkatet
karguak eta emaitzak, enekilako izan ditezen laguntza emateko.
25. Huneletan iskribatu zioten beraz: Demetrio erregeak Juduen jendakiari,
agur.
26. Entzun dugu eta boztu gare jakiteaz begiratu duzuela gurekilako
patua, gure adiskidetasunean gogor egotu zaretela, eta gure etsaien gana
etzaretela hurbildu.
27. Orai beraz iraun zazue aitzina gure alderako zintasunean, eta
guretzat eginen duzuenaren saria bihurturen darotzuegu.
28. Zuen bizkar diren asko gauzaz arinduren zaituztegu, eta emaitzak
eginen darozkitzuegu.
29. Egundanik zuek eta Judu guziak zergetarik gabetzen zaituztet,
barkhatzen darozkitzuet gatz sariak, eta uzten darozkitzuet khoroen eta
hazi herenen zuzenak.
30. Uzten darotzuet halaber zuhaitzen fruituen erdia, zeina enea
baita; eta hori egundanik eta gerorat, ez dadientzat altxatua Judako
lurrean, ez-eta Samariatik eta Galileatik Judeari eratxikiak izan diren hirur
hirietan; egungo egunetik, egun-eta-iguzki.
31. Jerusaleme izan bedi saindu eta pelut bere eremu guziarekin; eta
harentzat izan beitez hamarrenak eta zergak.
32. Bihurtzen dut halaber Jerusalemen den gazteluaren nausitasuna,
eta hura ematen diot aphez-handiari, hartan ezar detzan berak hautatuko
dituen gizonak haren zaintzeko.
33. Eta urrurik uzten ditut libro Judako lurretik ene erresuman gathibu
diren guziak, izan ditezen oro zergetarik garbi, bai-etare beren azienden
zergetarik,
34. Besta-buru guziak, larunbatak, hilabethe bakhotxeko lehen
eguna, egun bestatuak, eta besta-buruen aitzineko hirur egunak eta ondoko
hirurak, izan beitez oro salbuespenezko eta barkhamenduzko egunak
ene erresuman diren Judu guzientzat;
35. Eta hekietarik norbaiten kontra eta nola-nahiko ariaz, nihork ez du
orduan ahalik izanen zerbaiten egiteko, eta edozein egitekoren higitzeko.
36. Eta Juduetarik erregeren armadan sarthuren dire hogoi eta hamar
mila gizonetaraino, eta mantenatuak izanen dire erregeren armada guziei
dagokioten bezala, eta hekietarik batzu bereziak izanen dire errege handiaren
hazkargailuetan egoteko.
37. Fidantzia galdatzen duten erresumako egitekoen buruan izanen
dire ezarriak hekietarik zenbait; buruzagiak izanen dituzte beren artekoe-
Jean Pierre Duvoisin
tarik, eta beren legeetan ibiliko dire, erregek Judako lurrekotzat manatu
duen bezala.
38. Eta Samariako eremuetarik berhatuak izan diren hirur hiriak,
Judeako izanen dire idukiak; buruzagi bakhar baten azpian egon ditezen,
eta aphez-handiaren buruzagitasunaz bertzerik ezagut ez dezaten.
39. Ptolemaida eta bere eremuak ematen ditut Jerusalemgo lekhu
sainduei, gauza sainduentzat behar diren gastuen egiteko;
40. Eta urthe oroz emanen ditut hamabortz mila siklo zilharrezko,
niri darontzotan hartzekoetarik;
41. Eta Jaunaren etxeko lanentzat emateko gelditu den guzia, aitzineko
urtheetan kargutan zirenen aldetik, berehala izanen da emana.
42. Eta saindutegiko bilkinetik urthe oroz hartzen zituzten bortz
mila siklo zilharrezkoak, izan beitez eginbideetan zerbitzatzen diren aphezentzat.
43. Eta erregeren alderat nola-nahiko ariaz hobendun izanez,
Jerusalemgo tenplora eta hango eremuetara ihesegin duten guziak izan
beitez barkhatuak, eta ene erresuman dituzketen on gaziez izan bezate
gozamen garbia.
44. Eta lekhu sainduetako lanen egiteko edo berritzeko behar den
dirua, erregeren zuzenetarik izanen da emana;
45. Eta halaber Jerusalemgo harrasien egitekoa, eta inguruan hekien
hazkartzekoa, eta Judean harrasien altxatzekoa erregeren khutxan hartuko
dire.
46. Bainan Jonathasek eta populuak aditu zituztenean solas horiek,
etzaroeten sinhesterik eman; eta etzituzten onhetsi; ezen orhoit ziren
Demetriok Israeli egin gaizki handiez, eta hestura gaitzean iduki zituela.
47. Nahiago izan zuten Alexandroren aldea atxiki, zeren hura bera
abiatu baitzitzaioten lehenik bakeaz mintzatzen, eta handik harat hura
lagundu zuten bethi.
48. Alexandro erregeak aldiz armada handi bat bildu zuen, eta goan
zen Demetrioren kontra.
49. Eta bi erregeak gudutan lothu ziren; Demetrioren armadak ihes
egin zuen; ondotik goanik, Alexandro jauzi zitzaioten gainera.
50. Gudu gaitzak iraun zuen iguzkia sarthu arteo, eta egun hartan
ezpataren azpira erori zen Demetrio.
51. Gero Alexandrok bidalkinak igorri ziozkan Egiptoko erregeri
hunelako solasekin:
975