inprimitzeko bertsioa PDFn - Armiarma

888
ABDIASEN PROFEZIA
BIBLE SAINDUA (II)
1. Abdiasen ikhuspena. Edomi hau derro Jainko Jaunak: Jaunaren
ahotik aditu dugu erraten, eta bidalkin bat igorri du jendaietara; eta erraten
dute: Jaiki jaiki gaitezen oro Edomi gudu ematera.
2. Huna aphurrik ezarri hindudala jendaien erdian: guziz haiz erdeinagarri.
3. Hire bihotzeko hanpuruskeriak handitu hau; harkaitzen zilhoetan
hagoelakoz, mendietan gora jarri haizelakoz, hire bihotzean erraten duk:
Nork jautsaraz ni beheiti?
4. Arranoa bezala goiti bahindedi ere, eta izarren artean koka baheza
hire ohantzea, beheiti hintzaket handik, dio Jaunak.
5. Ebasleak sarthu balire hire etxean, ohoinak gabaz ethorri balire, ez
othe hindaite ixilttorik egonen? Beren dina baino gehiago eraman othe
lezakete? Mahats-hartzaileak hire mahastira sar baleitez, mulkhotto bat
bederen ez othe liazaketek utz?
6. Nola ikhartu dute Esau? nola bilhatu dire haren zokhoetan?
7. Hire muga bururaino iraizi haute; hirekin batasun zuten guziek
jokhatu haute; hire kontra nausitu dituk hire bakezko gizonak; hirekin
jaten zutenek arteak hedatu darozkie azpian. Umotasunik ez da Edomen
baithan.
8. Ez othe ditut, dio Jaunak, egun hartan galduren Idumeatik zuhurrak,
eta Esauren menditik umotasuna?
9. Eta hegoaldetik ikharan egonen dire hire hazkarrak, Esauren menditik
xahutzen hari delakoz gizona.
10. Hire anaia Jakoben gainean egin izan ditukan heriotze eta gaixtakerien
gatik, ahalkeak estaliren hau, eta galduren haiz behin bethiko.
11. Haren kontra atheratua hintzen egunean, arrotzek hartzen zutenean
haren armada, atzeak sartzen zirenean haren atheetan, eta zortea
arthikitzen zutenean Jerusalemeren gainera, hi ere orduan hekietarik bat
bezala hintzen.
12. Ez duk gehiago erdeinurik arthikiren hire anaiaren egunean,
haren desterruko egunean; ez haiz bozkarioz ibiliren haren galpeneko
egunean; eta hire ahoa ez duk espantuz betheren hesturako egunean.
13. Eta ez haiz ene populuaren athean sarthuren haren xahupeneko
egunean; eta ez duk hik ere erdeinua arthikiren haren desmasiako egu-
Jean Pierre Duvoisin
nean; eta ez haiz haren armadaren kontra izanen bidalia haren xahupeneko
egunean.
14. Eta ez haiz atheketan jarriren ihes eginen dutenen hiltzeko; eta ez
dituk haren ondarrak hertsiren egun gaitza dathorrenean.
15. Ezen jendaki guzien gainean hurbil da Jaunaren eguna: nola egin
baituk, hala eginen zaik; hire saria bihurturen zaik hire buruaren gainera.
16. Ezen ene hasarrea edan duzuen bezala ene mendi sainduaren gainean,
jendaia guziek edanen dute baratu gabe; eta edanen dute eta iretsiko,
eta ez balire bezala izanen dire.
17. Eta Siongo mendian izanen da salbamendua eta hura izanen da
saindua; eta Jakoben etxea nausituren da lehenago bere nausi zituenei.
18. Eta Jakoben etxea izanen da sua, eta Josepen etxea garra, eta
Esaurena lastoa, eta hekiez errea izanen da; eta iretsiko dute; eta Esauren
etxetik ondarrik ez da geldituko, ezen Jauna da mintzatu.
19. Eta hegoaldean direnek primantzetan izanen dute Esauren mendia,
eta zelhaitarrek Filistin-herria; eta jabetuko dire Efraimen eremuaz
eta Samariaren eremuaz, eta Benjaminek gozatuko du Galaad.
20. Eta Israelgo semeetarik desherritua izan den armada harek gozaturen
ditu Sareptaraino Kanaandarren toki guziak; eta Jerusalemgo desherritu
Bosphoroan direnek gozaturen dituzte hegoaldeko hiriak.
21. Eta silbatzaileak Siongo mendira iganen dira, Esauren mendiaren
juiatzera, eta Jaunak izanen du erregetasuna.
889