BIBLE SAINDUA (III) Testament Berria - Armiarma

JAUN DONE JOANES APOSTOLUAREN
HIRUGARREN GUTUNA
1. Zaharra, zintasunean maite dudan Gaio guziz maiteari.
2. Guziz maitea, othoitz egiten dut zure egitekoak eta osasuna hain
onak izan ditezen, nola ontsa baita zure arima.
3. Handizki boztu naiz, ethorri direnean anaiak, eta lekhukotasun
egin diotenean zure egiazko fedeari, eta egiaren arabera zabiltzala.
4. Enetzat bozkario handiagorik ez da jakitea baino, egiaren arabera
dabiltzala ene haurrak.
5. Guziz maitea, fededun ona bezala hari zare, anaientzat egiten ditutzun
gauza guzietan, eta bereziki arrotzentzat,
6. Zeinek Eliza guziaren aitzinean zure karitateari lekhukotasun
bihurtu baitiote; eta ongi eginen duzu hekien laguntzea bideetan Jainkoari
dagokion bezala.
7. Ezen haren izenaren gatik abiatu dire bideari, paganoen ganik
deusik ez hartuz.
8. Behar ditugu beraz horrela dabiltzanak gure ganat hartu, egiarentzateko
lanetan sar dezagun eskua guk ere.
9. Iskribatu nukeen beharbada Elizari, bainan Diotrephesek, horkoen
gainean buruzagitasuna erabili nahi duenak, ez gaitu onhesten.
10. Hargatik, ethortzen balin banaiz, ezagutaraziko diot zer lana daraman,
gure kontra elhe gaixtoak barraiatuz; eta hori aski ez balitzaio bezala,
ez ditu anaiak bere ganat hartzen; eta hartzen dituztenei, debekatzen
diote, eta Elizatik iraizten ditu.
11. Guziz maitea, gaizkia ez imita, bainan-bai ongia. Ongiaren egilea
Jainkoaren ume da; gaizki egileak ez du Jainkoa ezagutzen.
12. Demetriori guziek lekhukotasun bihurtzen diote; egiak berak ere
bihurtzen dio; aldiz guk ere bihurtzen diogu, eta badakizu egia dela gure
lekhukotasuna.
13. Asko gauza banituen zuri iskribatzeko, bainan ez darozkitzut
thinduz eta lumez nahi izan iskribatu.
14. Pheskiza badut ordean laster ikhusiko zaitudala, eta buruz burutan
mintzatuko gare. Bakea izan bedi zurekin. Adiskideek agur egiten
darotzute. Adiskideei zeini bere izenean agur egiozute.
BIBLE SAINDUA (III) Jean Pierre Duvoisin
JAUN DONE JUDA APOSTOLUAREN
GUTUN KATOLIKOA
1. Juda, Jesu-Kristoren zerbitzari eta Jakoberen anaia, Jainko Aitak
maithatu eta Jesu-Kristok deithu eta begiratu dituenei.
2. Urrikalmenduaren, bakearen eta karitatearen bethetasuna zuen
baitha egin bedi.
3. Zuen guzien salbamenduaren gainean, guziz maiteak, zuei iskribatzeko
ardura handiena bainuen, orai premia dadukat zuei iskribatzea,
zuen othoiztea gatik guduka zaitezten sainduei behin emana izan zaioten
fedearen alde.
4. Zuen artera lerratu dire ezen gizon gaixto batzu (zeinak, kondenatuak
izateko, aspalditik bereziak baitire), gure Jainkoaren grazia zabarkerietara
bihurtzen, eta Jesu-Kristo, gure Nausi eta Jaun bakharra ukhatzen
dutenak.
5. Bada, orhoitarazi nahi zaituztet, horiek oro lehendanik dakizkitzuen
arren, Jesusek populua Egiptoko lurretik eraiki zuen ondoan, galdu
zituela gero sinhesterik etzutenak;
6. Aingeruak aldiz, beren lehenbiziko urhatsean egotu ez direnak,
bainan beren egoitzako tokia utzi dutenak, ilhunbeen azpian daduzkala,
bethiko burdinetan egun handiko juiamenduraino.
7. Nola Sodoma eta Gomorha eta hiri mugakhideak hala-halako
lohikerietan sarthu baitziren; eta haragi arrotzaren ondoan zabiltzalakoz,
bertzeen ikhusgarri bilhakatu baitire, bethiereko suaren gaztigua jasaiten
dutelarik;
8. Gizon tzar haukiek orobat khutsatzen dute beren haragia, eta
arbuiatzen Jainkoaren nausitasuna, eta burhoztatzen haren maiestatea.
9. Moisesen gorphutzaren gainetik debruarekin gudukatu zenean
Mixel arkanjelua, etzen atrebitu hari burhozko kondenamenduaren arthikitzera;
bainan erran zioen: Jaunak bere nausitasuna hire gainean erakhuts
beza.
10. Haukiek ordean burhoka aiphatzen dituzte ezagutzen ez dituzten
gauzak; eta zer-ere ethorkiz ezagutzen baitute, hartan beren buruak
andeatzen dituzte adimendugabeko abere batzuek bezala.
11. Zorigaitz horiei, zeren Kainen bideaz baitohazi; Balaam bezala
sariaren irritsak amainatzen baititu; eta Kore bezala bihurtuz, orobat galtzen
baitire.
470 471