BIBLE SAINDUA (III) Testament Berria - Armiarma

6. Jesu-Kristo hura bera da, zeina urarekin eta odolarekin ethorri
baita; ez bakharrik urarekin, bainan urarekin eta odolarekin. Eta Kristo
egia dela, Izpirituak egiten du lekhukotasun.
7. Ezen hirur dire lekhukotasun egiten dutenak zeruan: Aita, Hitza
eta Izpiritu saindua; eta hirur haukiek bat dire.
8. Eta hirur dire lekhukotasun egiten dutenak lurrean: Izpiritua, ura
eta odola; eta hirur horiek bat dire.
9. On hartzen badugu gizonen lekhukotasuna, Jainkoaren lekhukotasuna
handiagoa da; eta lekhukotasun handiena den hori da Jainkoak
bere Semeari bihurtu dioena,
10. Jainkoaren Semearen baithan nork-ere baitu sinhesten, hainak
bere baithan du Jainkoaren lekhukotasuna. Semeari sinheste ematen ez
dioenak, Jainkoa egiten du gezurti, zeren ez baitu sinhesten Jainkoak bere
Semeaz egin duen lekhukotasuna.
11. Eta hau da lekhukotasuna, baizik-ere Jainkoak eman darokula
bethiereko bizitzea. Eta haren Semearen baithan datza bizitze hura.
12. Semea dadukanak, bizitzea daduka; Semea ez dadukanak, ez
daduka bizitzea.
13. Horiek iskribatzen darozkitzuet, jakin dezazuen Jainkoaren
Semearen baithan sinhesten duzuenek baduzuela bethiereko bizitzea.
14. Eta huna zer fidantzia dugun Jainkoaren baithan: Haren nahiaren
araberako edozein gauza galdegin diozogun, entzuten gaituela orotan.
15. Eta badakigu entzunen gaituela galdatuko ditugun gauza guzietan,
zeren ardietsi baititugu egin diozkagun galde guziak.
16. Norbaitek balin badaki bere anaiak egin duela heriotzera ez daraman
bekhatu bat, galda beza, eta heriotzera ez daraman bekhatua egin
duenari emanen zaio bizia. Bada heriotzera daraman bekhatua ez dut
erraten harentzat behar dela othoitz egin.
17. Edozein gaizki, bekhatu da; bainan bada heriotzera daraman bekhatua.
18. Badakigu ez dela bekhaturatzen Jainkoaren ganik sorthua dena;
bainan Jainkoaren ganik iraulgi izateak zaintzen du eta izpiritu gaixtoak ez
du ukitzen.
19. Badakigu Jainkoaren ganikakoak garela, eta mundu guzia izpiritu
gaixtoaren azpiko dela.
20. Badakigu ere ethorri dela Jainkoaren Semea, eta adimendua eman
darokula, ezagut dezagun egiazko Jainkoa, eta bizi gaitezen haren egiazko
Semearen baithan. Hura da egiazko Jainkoa eta bethiereko bizitzea.
21. Ene haurttoak, jainko-moldeetarik begira zaitezte. Halabiz.
BIBLE SAINDUA (III) Jean Pierre Duvoisin
JAUN DONE JOANES APOSTOLUAREN
BIGARREN GUTUNA
1. Zaharra, andre Elektrari eta haren haurrei, zeinak egian maite baititut;
eta ez nik bakharrik, bainan egia ezagutzen duten guziek ere;
2. Gure baithan dagoen eta bethi egonen den egia haren gatik.
3. Jainko Aitaren ganik eta Aitaren Seme Jesu-Kristoren ganik, grazia,
urrikalmendu eta bakea zuekin izan beitez egian eta karitatean.
4. Bozkario handia izan dut, zure haurretarik aurkhitu ditudalakoz
egiaren bidean dabiltzanak, Aitaren ganik manua izan dugun bezala.
5. Eta orai othoizten zaitut, andrea, ez iskribatzen banarotzu bezala
manamendu berri bat, bainan-bai hastetik izan duguna, maitha dezagun
elkhar.
6. Eta Jainkoaren manamenduen arabera ibiltzea, hori da karitatea;
7. Ezen mundurat ilkhi dire asko enganatzaile, aithortzen ez dutenak
Jesuristo haragitan ethorri dela. Holakoa da enganatzaile eta antekristo.
8. Zaudezte zuen buruen gainean erne, ez galtzeko erabili ditutzuen
lanak, bainan izateko hekien sari bethea.
9. Nork-ere gibelerat egiten baitu eta ez baita Kristoren irakhasmenean
egoten, hainak ez du bere baithan Jainkoa; irakhasmenean dagoenak,
haretxek ditu, eta Aita, eta Semea.
10. Zuetara norbait heldu balin bada, eta irakhasinen hori ez badu
ekhartzen, etzazuela etxerat har, eta agurrik ere hainari ez egin.
11. Ezen agur egiten dioena, phartedun egiten da haren eginkari tzarretan.
12. Asko gauza ditudan arren zuei iskribatzeko, ez dut nahi izan
paperarekin eta thinduarekin egin; zeren zuetara ethorriren naizelako
pheskiza baitut, eta ahotik ahora mintzatuko natzaitzuela, osoa izan
dadien zuen bozkarioa.
13. Zure ahizpa Elektraren haurrek agur egiten darotzute.
468 469