BIBLE SAINDUA (III) Testament Berria - Armiarma

PHILEMONERI
JAUN DONE PAULO APOSTOLUAREN
GUTUNA
1. Paulo, Jesu-Kristoren gatik burdinetan dena, eta Timotheo anaia,
Philemon gure maite eta laguntzaileari,
2. Eta arreba guziz maite Apiari, eta gure guduetako lagun Arkipori,
eta zure etxean den elizari.
3. Jainko gure Aitaren eta Jesu-Kristo gure Jaunaren ganik zuei grazia
eta bake.
4. Ene Jainkoari diozkat eskerrak bihurtzen, ene othoitzetan zutaz
orhoitzapen eginez bethi,
5. Aditzen baitut nolako fedea duzun Jesus Jaunaren baithan, eta zer
karitatea saindu guzien alderat;
6. Hanbatean non Jesu-Kristoren gatik zuen artean egiten den
ongiak, guzien ezagutzara ethorriz, agerian ematen baitu zure fedearen
bizartasuna.
7. Ezen atseginez eta bozkarioz bethe nau zure karitateak; zeren zuk,
anaia, jabaldu baituzu sainduen baithan gosea.
8. Aria hortaz, zenbat-nahi esku dudan Jesu-Kristoren ganik, zer-ere
baitagoki gauzari eta hura zuri manatzeko;
9. Halere, zuretzat dudan amodioaren ariaz, nahiago zaitut othoiztu
nik, naizen bezalakoak, Paulo zaharrak, orai Jesu-Kristoren gatik burdinetan
naizenak.
10. Ene othoitza ene seme Onesimorentzat da, burdinetan naizelarik
ene haur egin dudanarentzat;
11. Zeina lehen deusetako ez baitzaitzu izatu; orai ordean on izanen
da bai zuretzat eta bai enetzat.
12. Gibelerat bidali darotzut. Zuk aldiz begithartez har zazu ene
bihotza bere bezala.
13. Nahi nuen enekin iduki, zure ordainez zerbitza nintzan, ebanjelioaren
gatik jasaiten ditudan burdina haukietan;
14. Bainan ez dut zure aithorra gabe nahi izan deusere egin, arren-eta
galdatzen darotzudan ongia ez dadien ethor ezin-bertzetik bezala, bainan
zure oldetik.
BIBLE SAINDUA (III) Jean Pierre Duvoisin
15. Ezen beharbada zure ganik aphur batentzat urrundu izan da,
gero bil dezazun bethikotzat,
16. Ez gehiago gathibu bezala, bainan gathibuaren ordainez, anaia
guziz maite bat bezala, bereziki enetzat; zenbatenaz bada zuretzat hobeki,
nahiz haragiaren, nahiz Jaunaren legez?
17. Baldin beraz zure laguntzat banadukazu, neroniri bezala egiozu
begitharte.
18. Aldiz bidegabe egin edo zerbait zor badarotzu, ene gainera
emazu.
19. Nik Paulok iskribatu darotzut ene eskuz; nik bihurturen darotzut
ordaina, zuri ez errateko, zure burua niri zor duzula;
20. Hola, anaia. Jaunaren gatik gozo hau ethor bekit zure ganik:
Jaunaren izenean bizia emozu ene bihotzari.
21. Zure ethorkortasunaz fida izanez iskribatu darotzut, baitakit erraten
dudan baino gehiago ere eginen duzula.
22. Hanbatean berriz, leihor bat xuxen dizadazut othoi; ezik zuen
othoitzei esker, zuei emana izanen natzaitzuelako pheskizan bizi naiz.
23. Agur egiten darotzute Epafrasek, enekin Kristo Jesusen gatik
preso denak,
24. Eta Markek, Aristarkok, Demasek eta Lukek, ene laguntzen hari
direnek.
25. Jesu-Kristo gure Jaunaren grazia zuen izpirituarekin izan bedi.
Halabiz.
420 421