0Elizanburu JB, Piarres Adame.qxd - Armiarma
0Elizanburu JB, Piarres Adame.qxd - Armiarma
0Elizanburu JB, Piarres Adame.qxd - Armiarma
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1en KAPITULA<br />
NON, NOIZ ETA NOLA EZAGUTU NUEN<br />
PIARRES ADAME<br />
Mila-zortzi-ehun eta berrogoita bortzean, Buruilaren hastean, astelehen<br />
goiz batez, Sarako ezkilak bederatzi orenak yotzen zituelarik, muthiko<br />
gazte luxe bat, hamabortz urtheren ingurua nonbait han zukena,<br />
Leheteko yauregiaren hegian barna Azkaingo bidean haya-haya zohan.<br />
Gizonek bezala egin nahiz, bizkarrean ezarria zuen maripulisa, makhila<br />
txar baten gainean trebeska, eta lephoan artha handirekin inguratua<br />
zuen xerrenda nabar eta herxiak erakustera ematen zuen igandetako arropekin<br />
aphaindurik bideari lothua zela.<br />
Itxuraz muthiko horrek bazuen adin bereko muthiko hainitzen egite.<br />
Geldirik iduri zuen xirio bat, zabilanean, xarlango bat.<br />
Borda-handiko aldapa gora muthiko hori ikhusi zuenak igaten, erranen<br />
zuen bazuela, xarlangoaren itxuraz bertzerik, erran nahi baita itxurarekin<br />
abilezia.<br />
Beraz, gantzak hanbat trabatu gabe, mendixka horren gainera igan<br />
zenean, bertze aldean den erreka zolara yauxi baino lehen, gure muthikoak,<br />
begikolpe batez, besarkatu zuen San Inaziora heltzeko segitu behar<br />
den orga-bide luzea, esperantza izan balu bezala bideko lagun baten han<br />
ikhustea.<br />
Nahiz denbora hartan ez ziren bide hortan astean lau arima ibiltzen,<br />
ortzirarez salbu, zeinetan baita Doni-Yoaneko merkhatua, fortunak nahi<br />
izan zuen, egun eta oren berean, kausi zadin gizon bat bide beraz<br />
Azkaingo aldera zohana.<br />
5