Chhaktiang—June—2011 - Zoin.Info

More documents

Recommendations

Info

Vol.2, No 15 Chhaktiang June, 2011 Honduras President hlui an ramah a kir leh Sipai chakna hmanga Honduras President atanga paihthlak Manuel Zelaya chu May 24, 2011 khan an ram khawpui, Tegucigalpa-ah a kir leh ta. Kum 2009, June thlaa Honduras President atanga paihthlak a nih hnu khan Manuel Zelaya hi ramdangah a awm a, thla 19 hnuah an ramah a kir leh ta a ni. An rama a thlawh haw hian amah thlawptu mi sang telin airportah an lo hmuak a ni. Zelaya chuan an rama a kir leh theihna tura palai hna thawktu, Venezuela President Hugo Chavez, Colombia President Juan Manuel Santos leh Argentina President Cristina Fernadez-te chungah a lawm hle tih sawiin, Latin America ram hrang hrangte hmalakna avangin Honduras-ah chuan a kir leh thei niin a sawi. Tegucigalpa a thlen hnuah Zelaya hian Honduras President Profirio Lobo leh Organization of American States (OAS) Jose Miguel Insulza-te a hmu nghal bawk.(vanglaini) Natna thar E.coli avanga thi mi 16 an tling tawh E-coli hri leng an tih, Fanghma ei atanga mihring hriselna tichhe thei natna insiam avanga Europe khawmualpuia thi chu mi 16 an tling tawh a, he hri leng hi ram 8-a mi 12,000 velin an vei tawh nia hriat a ni. He hri leng avanga harsatna tawk nasa ber, Germany-ah chuan mi 400-in he natna hi an vei tawh a, heng mite enkawltu doctor-te chuan hri leng an hriat tawh zingah tun tuma mi anga khawsik siam nasa hri leng hi an la hre ngai lo hial niin an sawi a ni. He natna hi Fanghma ei atanga intan nia ngaih a ni na a, thlai thar dang atang pawha kai theih tih hriat chhuah a ni tawh a, a hela ei chi - fangma bakah, tomato leh zikhlum-te chu he natna kai theih langsar zual nia hriat an ni a, heng thlai enkawltute hian, lei tha atan ran ek an hman tam avangin, he hri leng pawh hi ran ek atanga insiama ngai an awm bawk. He hri leng hi Spain ram atanga intan nia hriat a nih avangin Europe khawmualpuia ram 8 chuan Spain ram Muslim nula Kum 19 mi Beauty Contest-a tel avangin lungin an deng hlum Muslim rawlthar (nula) kum 19 chu beauty contest-a a tel avangin, lungin an deng hlum. Ukraine-a beauty contest an siamnaah Muslim nula Katya Koren kum 19 mi hi a tel ve a 'Sharia law' a zawm lo (bawhpelh) a ni, tiin lungin an deng hlum ta a ni. Kotya Koren hian he an beauty contes-ah hian a pasarihna a hmu a ni. Katya Koren-i ruang hi an chenna tlangram hmun nuam leh fianrial tak Crimea an tih hmunah chhar a ni. "Kotya Koren hian naupang kum sawm chuang mi lek anga thawmhnaw hak leh inchei hi a ngaina em em a ni", tiin a thiannu pakhat chuan a sawi. Amah thattu mipa 3 te zinga pakhat chu police-ten an man tawh a. A thattu te hian 'thil kan tisual lo a ni, kan sakhaw dan angin a chungah kan ti mai a ni. Kan sakhaw dan hlu tak "Sharia law" a bawhchhiat avangin, lunga den hlum hi a phu a ni', tiin an sawi. He Muslim dan lunga in den hlum hi, muslim thenkhat chuan tha ti hle mah se, mi then khat erawh chuan an duh lo hle thung a ni.(zobawm) Naupang ru bo a, kum 20 chhung hrengtu kum 431 tang turin an hrem United States, California-a pa pakhat chu sikul naupang, hmeichhe pakhat ru bo va, kum 20 deuhthaw a hren chhunga a pawngsual deuh reng avangin kum 431 chhung tang tura tih a ni a, a nupui pawh kum 36 aia emaw, a dam chhung emaw a tang bawk ang. He pa, Phillip Garrido-a hian he hmeichhia, Jaycee Dugard hi 1991 khan a ru bo va, chutih lai chuan hmeichhia hi kum 11 mi chauh a ni a, a mi ruk bo lakah hian fa pahnih a nei tawh a ni. He naupang lainatawm tak hi sikul bus-a chuang tura ke-a a kal laiin ruk bo a ni a, kum 18 hren a nih hnuah 2009 August thla khan a chhuak a, hemi hnu hian a ru botute thil tih hi hriat a ni ta a, 2009 October thla khan thubuai rip tak tak siamsak an ni ta a. He thil thleng hian America ram a nghawr chhuak hneh hle a ni. atanga thlai thar an lak luh thin an titawp vek a, hei vang hian Spain rama lo neitute chuan chawlkar khat chhungin euro maktaduai 200 vel an hloh tawh a ni.(zonet) 4
Vol.2, No 15 Chhaktiang June, 2011 Vanlalawia Mizo Kawl lut hmasa berte hi sawi dan dang dang a awm a. A lut hmasa berte zinga mi, Sawivela kâ ngei dawnga ka hriat chu ka han tarlang ve ang e. Hriangtlang atang an chho : Hriangtlang lal hi Sailo lal a ni a, fapa pahnih a nei a, a u zawk chu Sangniala a ni a, a nau chu Sainguauva a ni. Sainguauva hi hmei fa a ni a, a pa thih hnuah a u, Sangniala hian tlang a pe ve duh lova, Sainguauva chuan lalna tur tlang a zawng a, Reng ram, tuna Tripura thleng hian a vak a. Tlang, khaw hmun tur a hmu thei lova, mi'n ka ram an ti zel si a. Chin hill-ah a vak chho leh a, Kawlphai a lut ta a. Tuna Kawlin Letpankung an tih hi, ngaw dur pui a la ni a, phel darhin khaw hmun tur a hauh ta a. In nga an chhova Bawk te an han khawh a. A khawh zawhah khaw mi zawngin Champhaiah a kal a, in thum a rawn sawm chhuak a, kum 1 chhungin in riat an lut ta tihna a nih chu. Kawlpui(Kalaymyo) lal fapain a khawngaih : In riat lai chu an ni ve tak nain Kawl tawng thiam pakhat mah an awm loh avangin an mangang chuan Sawivela chu Phunggyi-chawng-ah an dah ta ringawt mai a. Thla sarih a awm hnuin tawng lettu atan an la chhuak leh a, Kawl dawr tur apiangin an hruai thin. Tin, Phunggyi chawng-a a awm laiin Kawlpui lal fapain thianah a siam a. Chu chuan a khawngaih em em a, Chin mi amah chauh a nih avangin a veng tlat a ni. An in lamte a han hmuhpui hnu phei chuan Mizo pawnpui, pawr sung mai leh bal bawk si a hmuh te chuan a rilru a khawih hle a. A pa hnenah sawiin, "Khing kan chhaka Chin ho in tlem te awm khi ngaihtuah teh u, chaw lovin an thi thei takngial dawn" a ti a. Lal leh upaten kawng hrang hrangin an ngaihtuah a, tihian an rel ta a, Phunggyi chaw petu apiangin a tam thei ang bera pek tur a ni. Kan chhakah Chin in tlemte an awm a, an thi thei mai dawn an ti a ni. Tawng thiam loh vangin : Tichuan, Kawlho hnenah kut dawhte pawh a lo ngai ta hial a, kut an han dawh a, Kawlhovin 'yu-ba' an tih chuan 'zu bat' kan nei lo, zu kan in lo an ti a, an la duh lova. 'Ma-sih-bu' an tih leh chu 'ma-si-buk'-ah a awm an ti, 'ma-si-buk' chu khawi laiah nge a awm ang tiin an zawng a, 'ma-si-buk' khawiah nge an han ti a. Kawlhovin 'na-ma-le-bu' an lo ti leh si a, "an sawi dan pawh a inang lo zela min hmusit lutuk a ni" an ti a. Lung hnurin an hawng thin a ni. Phunggyi-chawng-a ei tur an dawh tak chinah chuan an thawhveng huai a ni. An thihpui : Tlang ram atanga Kawla an rawn lut chu lo an han vat ta a, tu ma la vah ngai loh an vat a, thing lian pui pui an kit a, an hah lutuk khaw lum bawk si chu an thawmhnaw 5 nen tuiah an inchiah dai a, khaw lum kenna chang hre hek lo,an dam lo chuah chuah a, sikserh an vei bawk a. Tlang ram ang bawkin chhun nilengin hna an thawk a, kum tam an dam lo. Kum thum li velah chuan hmeithai an awm thluah mai. Chu nak alaiin 1918ah hripuiin Zoram a fan chhuak a, hripui hlauvin mi tam tak Kawlah an lut a, hripuiin a umzui zel a, dam renga inkawmte pawh zan an mut hlanin an lo thi mai a. Nat lawk an nei lo. Sainguauvate chhung pawh zan an mut hlanin an chhungin an lo thi reng mai a, fapa pahnih an nei na a, chi thlah sawi tur awm lovin an lo chhung thih vek a ni. Khaw thar an sat : An lal Sainguauva a thih hnuah Kapa a rawn lal a, kum khat chauh ro a rel hman sikserhin a thi a. Satliana a lal leh a, an awmna dik lovah ngaiin Myohla Kawl nen inzawmin khaw thar an kai ta a, mihring pawh an pung ve zel a, a then Phulzuanah an kai a, 1921-a Auvan khua a sat a, 1922-ah Pahrangan Pinkhung khua a sat a, 1923-ah Chaldaian Tuivar a sat ta bawk a, an awm darh ta a ni. Tin, Pu Tuahhranga(Rev. Tuahhranga) te chhung hi 1917a Kawl rawn lut an ni a. Tin, Tirhkoh Dochanga te chhung hi 1918 kum hripui hlauva Kawl rawn lutte zinga mi an ni. He hripui hian mi a suat nasa hle. Nu leh pa thia fate chauh dam te, fate thia nu leh pa chauh damte an ni nuk ta mai a, ka pa min hrilh dan chuan zan khat thil thua chhung thih barh chu Sainguauva te chhung chauh an ni. Tahan khaw sah thu : Hei hi ka ziah chhan ber a ni. Kawl lut hmasa, khaw sat tur apiangin Pu Sawivela chu Kawlpui lal be turin an ruai thin a, Tahan khaw sah dawn pawh hian Kawlpui lal betu a ni. Ani hi Kawl tawng thiam tura Phunggyiphei 6-ah chhun zawm
Page 1 and 2: Vol.2, No 15 Chhaktiang June, 2011
Page 3: Vol.2, No 15 Chhaktiang June, 2011

Chhaktiang—June—2011 - Zoin.Info

Create successful ePaper yourself

Delete template?

Save as template?