ACEH_03378

Al-BAQARAH (2)
Ureueng nyang namiet ngon ureueng namiet
Inong meunan cit inong tueng balah
Meunyo chedara geutem peumeu'ah
Geuikot ma'ruf geubri beunalah
Geujok deungon jroh gantoe tueng bila
Allah Ta'ala Neupeuphui balah
Nyan rahmat Tuhan Neubri keu tanyoe
Lheuh nyan barangsoe han jeut le balah
Meunyo jilangga azeub peudeh that
Uleh Hadharat meunan Neupeugah
179. Bak tatueng bila sinan jeut udep
Hana le saket ate meudarah
Meunyo na gata pikiran sehat
Takwa meuhat gata keu Allah
180. Soe-soe nyang mate tinggai areuta
Wajeb bak gata wasiet jikeubah
Wasiet keu ma-ku kawom keurabat
Nyang ma'ruf meuhat wasiet jipeugah
Nyan hak bak ureueng nyang na takwa
181. Meunyo jituka nyan dacha leupah
Ka lheuh jideungo teuma jituka
Nyan jeut keu dacha sabab ka salah
Teuma di Tuhan Neudeungo that-that
Neuteupue ilat beuna ngon salah
182. Meunyo tatakot keu ureueng wasiet
Dacha jipubuet atawa salah
Jeut tapeudame ureueng nyan teuma
Han jeut keu hina tapubuet salah
Maha Pengampon Allah Ta'ala
Meunan cit juga Maha Pemurah
183. Wahe dum ureueng nyang ka meuiman
Puasa teuh nyan han jeut takeubah
Wajeb puasa u ateuh gata
Lageeban nyang ka ureueng nyang sudah
Ureueng dilee pih wajeb puasa
Mangat takwa gata keu Allah
38
JUZ (2)