ACEH_03378

JUZ 17 AL-ANBIYA' (21)
F
i
Han ek jitulak 'oh teuka azeueb
Tanggoh pih hanjeuet keu jih geupeugah
41. Rasul nyang dilee dum nibak gata
Pih jipeuseunda jikhem meuhah-hah
Geubri treuk azeueb keu jih nyan teuma
Nyang jipeuseunda masa nyang sudah
42. Takheun soe nyang ek jagateuh dum nyan
Bak azeueb Tuhan nyang Maha Murah
Malam ngon uroe ek na soe jaga
Tapi jih nyata han cit meuubah
Han cit jiingat dijih keu Pojih
Muka jih dijih jipaleng bagah
43. Peue na le tuhan laen dum dijih
Nyang peulahra jih bak azeueb Allah
Han ek soe bantu jih nibak Kamoe
Meunyo kon Kamoe nyang ek jak peuglah
Hana meusidroe nyang ek peungon jih
44. Tapi dilee jih cit seunang leupah
Kamoe bri seunang jih ngon du-dujih
Hingga umu jih panyang trep leupah
Peue hana jieu bumoe bak jih duek
Ka Kamoe peuseuk bineh meutarah
Kamoe peukureueng bineh-binehjih
Peue mantong cit jih meunang jipeugah
*
45. Takheun gata dum nyang lon peuingat
Wahyu Hadharat kon droe lon peugah
Teuma si tuloe meu tapeuingat
Hana manfaat meu ube seupah
i
Han deuh jideungo 'oh tameuhoi jih
46. Troh azeueb keu jih meubaro teulah
'Oh keunong bacut azeueb ubak jih
Nibak Tuhan jih ka apoh apah
Jikheun ceulaka geutanyo jinoe
Taelanya droe masa nyang sudah
[47. Kamoe ba treuk ceng uroe kiamat
Nyane ade that-that han tom meusalah